Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:15 - Tupanaarü Ore

¹⁵ Rü yema naxpawerumaxã nügüãtügu nayangetaü̃gü yema Tupana rü Moichémaxã nüxü̃ ixuxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:15 Referans Kwoze

Iraétanüxü̃arü muxchiga 4:15

Rü ngẽxguma Aróü̃ rü nanegü marü nüxü̃́ nagu̱xgu nax yanáixpüü̃güãxü̃ i guxü̃ma i ngẽma Tupanapataarü ngẽmaxü̃gü i üünegüxü̃, rü ngẽxguma marü inaxĩãchichaü̃gu, rü nüma i Queáxtanüxü̃ rü ngéma tá naxĩ nax yanaxãxü̃ca̱x i guxü̃ma i ngẽma ngẽmaxü̃gü. Natürü taxũtáma nüxü̃ ningõgügü i ngẽma ngẽmaxü̃gü i üünegüxü̃ nax tama nayuexü̃ca̱x. Rü guxü̃ma i ngẽma Tupanapataarü ngẽmaxü̃gü rü Queáxtanüxü̃ tá nixĩ i yanaxü̃.

Iraétanüxü̃arü muxchiga 7:9

Natürü ga Queáxtanüxü̃ rü taxúnema ga carugü rü bai ga wocagü nüxna naxã, yerü yema yemaxü̃gü ga üünegüxü̃ ga yangegüxü̃ rü nanaxwa̱xe nax nügüãtügu yangegüãxü̃.

Norü taxre ga to ga popera ga ãẽ̱xgacügüchiga ümatüxü̃ 5:9

Natürü guma naxpawerugü rü nima̱x, rü yemaca̱x ga yema nape̱xegü rü nüxü̃ tadauama ga yexguma yema taxü̃ ga nachiãwa idawenügu, natürü yema nachiã ga nawa ixücuxü̃wa rü tama nüxü̃ tadau.

Nüxíraxü̃xü̃ ga popera ga ãẽ̱xgacügüchiga 8:8

Natürü guma naxpawerugü rü nima̱xü̃chi, rü yemaca̱x nachiã ga üünexü̃wa ne ida̱u̱xgu ga norü to̱xma̱xtawa ga yema nachiã ga Üünexüchixü̃, rü nüxü̃ tadau ga naxpawerugüpe̱xe. Natürü Tupanapataarü düxétüwaama tama nüxü̃ tadau. Rü ñu̱xma rü ta rü ngéma nangẽxmagü.

Ínachoxü̃xü̃chiga 40:20

Rü yemawena ga Moiché rü nanade ga yema nutatachinügü ga Tupanaarü mugü nagu ümatüxü̃, rü yema baúgu nayanucu. Rü ñu̱xũchi nananucu ga naxpawerugü ga yema baú rü nayaxǘcuchi ga naxã́taxü̃. Rü Tupanapataarü aixepegu nayaxǘ. Rü ñu̱xũchi nananucu ga yema tüyemachiãruxü̃ rü yemamaxã nayatüyepe̱xe ga yema baú yema Cori ya Tupana namaxã nüxü̃ ixuxü̃ãcü.

2 Chamué 6:13

Rü yexguma 6 arü unecüxü naxügüegu ga yema yangegüxü̃ ga baú ga Tupanaarü mugü nagu nuxü̃, rü nüma ga Dabí rü wüxi ga woca ga yatüxü̃ nima̱x rü ñu̱xũchi wüxi i carnéru ga ingüxüchixü̃ nima̱x rü Tupanaca̱x nayagu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:10

Rü yemaca̱x ga Cori ya Tupana rü Uchámaxã nanu yerü nüxü̃ ningõgü ga yema baú ga Tupanaarü mugüchixü̃. Rü yemaca̱x nüma ga Tupana rü nüxna nanayaxu ga norü maxü̃, rü yexmatama nayu Cori ya Tupanape̱xegu.

Wenaxarü naxümatü ga Tupanaarü mugü 10:8

Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

2 Chamué 6:12

Rü ãẽ̱xgacü ga Dabímaxã nüxü̃ nixugüe nax yema baú ga Cori ya Tupanaarü mugü nawa yexmaxü̃gagu Tupana rü Obéx-edóü̃xü̃ nangü̃xẽẽxü̃ wüxigu namaxã ga naxacügü rü guxü̃ma ga norü yemaxü̃güwa. Rü yemaca̱x ga nüma ga Dabí rü yéma naxũ rü norü taãẽmaxã Obéx-edóü̃patawa nayayaxu ga yema baú ga Tupanaarü mugü nawa yexmaxü̃. Rü Yerucharéü̃wa yexmane ga Dabíarü Ĩanewa nanange.