Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:12 - Tupanaarü Ore

¹² Rü ñanagürü nüxü̃: —Pema nax namaxã pecuáxü̃ i Lebítanüxü̃ rü name nixĩ i pema rü petanüxü̃ Tupanape̱xewa pegü pimexẽẽgü nax ngẽmaãcü ngẽma nachica i chamexẽẽxü̃wa penangexü̃ca̱x i ngẽma baú i Cori ya Iraétanüxü̃arü Tupanaarü mugüchixü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:12 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 35:6

¡Rü peyama̱x i ngẽma carnéru i Üpetüchigaca̱x ixĩxü̃ rü Tupanape̱xewa pegü pimexẽxẽgü! ¡Rü penamexẽxẽ erü ngẽma inaxwa̱xexü̃ nixĩ nax ngẽma togü i Iraétanüxü̃ca̱x mea naxüchigagüãxü̃ i ngẽma Üpetüchiga yema Tupana Moichéwa nüxü̃ ixuxü̃rüxü̃! —ñanagürü ga Yochía.

Norü taxre ga to ga popera ga ãẽ̱xgacügüchiga ümatüxü̃ 30:15

Rü yexguma gumá norü taxre ga tauemacüarü 14 ga ngunexü̃wa nanguxgu rü nayama̱xgü ga yema carnéruxacü ga iyatüxü̃ ga Üpetüchigaarü petaca̱x ixĩxü̃. Rü muxü̃ma ga yema chacherdótegü rü Lebítanüxü̃ rü naxãnee yerü tama Tupanape̱xewa nügü nimexẽẽgü. Rü yemaca̱x Tupanape̱xewa nügü nimexẽẽgü rü Tupanapata ga taxü̃newa nanagagü ga yema naxü̃nagü ga Tupanaca̱x tá ínaguxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:14

Rü yexguma nüma ga yema chacherdótegü rü yema Lebítanüxü̃ rü Tupanape̱xewa nügü nimexẽẽgü nax yemaacü yangegüãxü̃ca̱x ga yema baú ga Iraétanüxü̃arü Tupanaarü mugüchixü̃.

Ore i mexü̃ ga Cuáü̃ ümatüxü̃ 17:17

Curü ore rü aixcüma nixĩ. Rü chanaxwa̱xe i curü oremaxã cuyamexẽxẽ i ngẽma choxna cumugüxü̃ nax aixcüma cupe̱xewa yaxüünexü̃ca̱x.

Echequié 48:11

Rü ngẽma naane rü ngẽma chacherdótegü i Chadóxtaagü i choma ya Cori ya Tupana nüxü̃ unetaxü̃ca̱x tá nixĩ. Rü nümagü rü tama yema Lebítanüxü̃rüxü̃ choxna nixĩgachi ga yexguma Iraétanüxü̃ choxna ixĩgachigu. Rü nümagü ga yema chacherdótegü rü nanaxügüama ga chorü puracü.

Norü taxre ga to ga popera ga ãẽ̱xgacügüchiga ümatüxü̃ 5:11

Rü nüma ga chacherdótegü rü ínachoxü̃ nawa ga yema naxmachiã ga üünexü̃ rü Tupanapata ga taxü̃nearü düxétüwa naxĩ. Rü guxü̃ma ga yema chacherdótegü ga yéma yexmagüxü̃ rü marü Tupanape̱xewa nügü nimexẽẽgü woo marü nagu̱xgu nax yema ngunexü̃gu napuracüxü̃ rüe̱xna tama nagu nagu̱xgu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:31

Rü yema Lebítanüxü̃arü ãẽ̱xgacügü rü sortéuãcü nüxü̃ nayanu ga norü puracü yema Aróü̃taagü ga chacherdótegü sortéuãcü nüxü̃ yanuaxü̃rüxü̃. Rü natanüxü̃ ga gumá Lebí nane ga yacü rü natanüxü̃ ga gumá Lebí nane ga rübumaecü rü nawüxigumare nax nüxü̃ yanuaxü̃ ga norü puracü. Rü yemaacü ãẽ̱xgacü ga Dabípe̱xewa, rü chacherdóte ga Chadóxpe̱xewa, rü Aimérexpe̱xewa, rü chacherdótegüarü ãẽ̱xgacügüpe̱xewa, rü Lebítanüxü̃arü ãẽ̱xgacügüpe̱xewa nüxü̃ nayanu ga yema Lebítanüxü̃arü ãẽ̱xgacügüarü puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:3

Rü ñu̱xũchi nüma ga Dabí rü Yerucharéü̃gu nanangutaque̱xexẽxẽ ga guxü̃ma ga Iraétanüxü̃ nax yemaacü guma napata ga yexwacax naxügünewa nangegüaxü̃ca̱x ga yema baú ga Tupanaarü mugüchixü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:1

Rü nüma ga Dabí rü duü̃xü̃güxü̃ namu nax guma Dabíarü Ĩanegu naxügüã̱xü̃ca̱x ga napata. Rü yexgumarüxü̃ ta nanamu nax naxügüã̱xü̃ca̱x ga wüxi ga yexwaca̱xü̃ne ga ĩpata ga naxchirunaxca̱x nax yéma nayexmaxü̃ca̱x ga yema baú ga Tupanaarü mugüchixü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:34

Rü yemagü nixĩ ga norü o̱xigürüxü̃ Lebítanüxü̃maxã icua̱xgüxü̃. Rü Yerucharéü̃gu naxãpatagü.

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:1

Rü yema baú ga Tupanaarü mugü nagu üxü̃ rü nawa nanangegü ga guma ĩpata ga naxchirunaxca̱x ga Dabí woetama yemaca̱x üxü̃ne. Rü ñu̱xũchi Tupanape̱xewa ínanagu ga ãmaregü ga Tupanaxü̃ namaxã nangüxmüxẽẽgüxü̃.

Norü taxre ga to ga popera ga ãẽ̱xgacügüchiga ümatüxü̃ 1:2

Rü yexguma nüma ga Charomóü̃ rü naxca̱x nangema ga guxü̃ma ga Iraéanearü ãẽ̱xgacügü: rü yema churaragüerugü ga 1,000 ga churaragümaxã icua̱xgüxü̃, rü yema churaragüerugü ga 100 ga churaragümaxã icua̱xgüxü̃, rü guxü̃ma ga yema Iraétücumügüarü ãẽ̱xgacügü, rü yema ãẽ̱xgacügü ga natanüxü̃maxã icua̱xgüxü̃ ga Iraéanewa.

Norü taxre ga to ga popera ga ãẽ̱xgacügüchiga ümatüxü̃ 1:4

Natürü marü tama Gabaóü̃wa nayexma ga yema baú ga Tupanaarü mugü nagu nuxü̃, yerü nüma ga Dabí rü ü̃paacü marü Quiriáx-yearíü̃wa nayayaxu rü Yerucharéü̃wa nanange, rü nagu nayaxǘcuchi ga guma ĩpata ga naxchirunaxca̱x ga yema baúca̱x naxüxü̃ne.

Norü taxre ga to ga popera ga ãẽ̱xgacügüchiga ümatüxü̃ 5:2

Rü nüma ga Charomóü̃ rü Yerucharéü̃gu nanangutaque̱xexẽxẽ ga yema Iraéanearü ãẽ̱xgacütücumü, rü guxü̃ma ga yema 12 ga Iraétücumügüarü ãẽ̱xgacügü, rü guxü̃ma ga papagü ga natanüxü̃maxã icua̱xgüxü̃. Rü yemaacü nanangutaque̱xexẽxẽ nax ma̱xpǘne ga Chióü̃wa yayauxgüãxü̃ca̱x ga yema baú ga Tupanaarü mugü nagu nuxü̃, rü guma yexwaca̱xü̃ne ga Tupanapata ga taxü̃newa nangegüaxü̃ca̱x.

Ichaía 52:11

Rü pema i Babiróniaanewa ngẽxmagüxe ¡rü Tupanape̱xewa pegü pemexẽxẽgü rü ípechoxü̃! ¡Rü pemax nax peyanaxü̃ i Tupanapataarü ngẽmaxü̃gü i üünexü̃ rü taxṹ i nüxü̃ pedauxü̃ i ta̱xacürü chixexü̃!