Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:15 - Tupanaarü Ore

¹⁵ Rü ngẽxguma naixtanüwa nüxü̃ cuxĩnügu i churaragücutüga ¡rü naxca̱x íyagoõchi erü ngẽma nixĩ i cua̱xruxü̃ nax choma rü cupe̱xegu chixũxü̃ nax chanadaixü̃ca̱x i ngẽma Firitéugüarü churaragü! —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:15 Referans Kwoze

Ngechuchuarü ngúexü̃gü ga yamugüxü̃arü puracüchiga 2:2

Rü ngürüãchi daxũwa ne naxũ ga wüxi ga naga ñoma wüxi ya buanecü ya taxüchicü i cuxcuxü̃rüxü̃. Rü guma ĩ ga nawa nayexmagünegu nayaxũga.

Ichaía 13:4

Rü mápü̱xanexü̃wa rü nüxü̃ taxĩnü i muxũchixü̃ i duü̃xü̃gü i ngéma aixta üexü̃. Rü nüxü̃ taxĩnü nax naxãũgaãchitanüxü̃ i nachixü̃anegü rü ĩanegü i wüxigu ngutaque̱xexü̃. Rü nüma ya Cori ya Tupana ya Guxãétüwa Ngẽxmacü rü nüxü̃ nidaugü i norü churaragü i daica̱x ímemaregüxü̃.

Norü taxre ga popera ga ãẽ̱xgacügüchiga 19:7

Rü dücax, choma rü tá nüxna chananguxẽxẽ i wüxi i chixexü̃ i ore i tá nachixü̃aneca̱x natáeguxẽẽxü̃ nax ngẽxma yama̱xgüãxü̃ca̱x!” —ñanagürü ga Ichaía.

Norü taxre ga popera ga ãẽ̱xgacügüchiga 7:6

Rü yema ngupetüxü̃ nixĩ ga nüma ga Cori ya Tupana rü yema Chíriaarü churaragüxü̃ nüxü̃ naxĩnüxẽxẽ ga naga ga caru ga dairuü̃gü rü naga ga cowarugü rü naga ga muxũchixü̃ ga churaragü. Rü yemaca̱x nüma ga Chíriaarü churaragü nagu narüxĩnüe rü nüma ga Iraéanearü ãẽ̱xgacü rü Itítanüxü̃arü ãẽ̱xgacüarü ngü̃xẽẽca̱x ínacaxü̃ rü Equítuanearü ãẽ̱xgacüarü ngü̃xẽẽca̱x ínacaxü̃ nax yemamaxã naxca̱x íyaxü̃ãchixü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 7:15

Yexguma Yedeóü̃ nüxü̃ ĩnügu ga yema taxre ga Madiáü̃tanüxü̃ nügümaxã nüxü̃ ixugüexü̃ nachiga ga yema wüxi nagu ãnegüxü̃ rü ñu̱xũchi ta̱xacüchiga nax yixĩxü̃, rü nüma ga Yedeóü̃ rü Cori ya Tupanaxü̃ nicua̱xüxü̃. Yemawena ga Yedeóü̃ rü Iraétanüxü̃ ípegüxü̃wa naxũ rü ñu̱xũchi nanamu rü ñanagürü: —¡Guxãma ichigü! Erü Cori ya Tupana rü taxme̱xgu tá nanayixẽxẽ i ngẽma Madiáü̃tanüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:9

Rü yema ga chütaxü̃gu rü nüma ga Cori ya Tupana rü Yedeóü̃xü̃ namu rü ñanagürü: —¡Ẽcü curü churaragümaxã Madiáü̃tanüxü̃ca̱x ípeyaxüãchi! Rü choma rü tá pexü̃ charüngü̃xẽxẽxü̃ nax nüxü̃ perüporamaegüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 4:14

Rü yexguma ga ngĩma ga Débora rü Baráxü̃ ngĩgürügü: —Ñu̱xmawaxix nixĩ namexü̃ nax Chícharaca̱x quixũxü̃, erü nüma ya Cori ya Tupana rü curü churaragüpe̱xegu tá nixũ, rü tá cuxü̃́ nanatauxchaxẽxẽ nax Chícharaxü̃ curüporamaexü̃ —ngĩgürügü. Rü nüma ga Baráx rü guma ma̱xpǘne ga Tabóxwa nayarüxüe namaxã ga yema 10,000 ga norü churaragü.

Lebítanüxü̃arü puracüchiga 26:36

Rü ñuxre i pema i perü uanügüanewa maxẽãcü ngẽxmagüxe, rü tá muü̃ pexca̱x íchanguxẽxẽ. Rü ngẽxguma wüxi i naixatü rünguxgu rü nagacha̱xwa tá pibuxmü, ñoma taramaxã pewe nangẽgüxü̃rüxü̃. Rü tá ipeyayi woo taxuxü̃ma pewe ngẽgügu.

2 Chamué 5:23

Rü yemaca̱x nüma ga Dabí rü wenaxarü Cori ya Tupanana naca. Rü nüma ga Tupana rü Dabíxü̃ nangãxü̃ rü ñanagürü: —¡Taxṹ i nape̱xewaama naxca̱x ípeyaxüãchixü̃! ¡Rü nüxü̃ ípechoegu rü naweama tá naxca̱x ípeyaxüãchi i ngẽxguma ngẽma bálsamunecüwa pengugügu!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:14

Rü yemaca̱x nüma ga Dabí rü wenaxarü Cori ya Tupanana naca. Rü nüma ga Tupana rü Dabíxü̃ nangãxü̃ rü ñanagürü: —¡Taxṹ i nape̱xewaama naxca̱x ípeyaxüãchixü̃! ¡Rü nüxü̃ ípechoegu rü naweama tá naxca̱x ípeyaxüãchi i ngẽxguma ngẽma nai i pengugügu!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:16

Rü nüma ga Dabí rü yema Tupana namuxü̃ãcü nanaxü, rü yemaacü Firitéugüxü̃ narüporamae ga Gabaóü̃wa rü ñu̱xmata Guéchewa nangu.

Wenaxarü naxümatü ga Tupanaarü mugü 20:4

Erü nüma ya perü Cori ya Tupana rü pexü̃tawa nangẽxma, rü nüma tá nixĩ i nadaiaxü̃ i ngẽma perü uanügü, rü tá nüxü̃ pexü̃ narüporamaegüxẽxẽ”, ñanagürü tá.