Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:12 - Tupanaarü Ore

¹² Rü yema Firitéugü rü yéma nanawogü ga norü tupananetachicüna̱xãgü. Rü nüma ga Dabí rü norü duü̃xü̃güxü̃ namu nax ínaguaxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:12 Referans Kwoze

Ínachoxü̃xü̃chiga 32:20

Rü ñu̱xũchi nüma ga Moiché rü nanayaxu ga yema wocaxacüchicüna̱xã rü üxüxétüwa nayata̱xcuchi. Rü yemawena ga marü yaga̱u̱xgu rü nanawaxi rü ñu̱xmata naxãte̱xemare. Rü yema nate̱xe rü dexáwa nanagüe rü ñu̱xũchi yema Iraétanüxü̃xü̃ namu nax yema dexáwa naxaxegüxü̃ca̱x.

Norü taxre ga popera ga ãẽ̱xgacügüchiga 19:18

Rü yema nachixü̃anegüarü tupanachicüna̱xãgü, rü nüxü̃́ ínanagu, yerü tama aixcüma curüxü̃ tupanagü nixĩgü. Rü tupananetagü ga duü̃xü̃gü nutagüwa rü naigüwa naxügümarexü̃ nixĩgü. Rü yemaca̱x nixĩ ga nüxü̃́ nagu napogüexü̃.

Wenaxarü naxümatü ga Tupanaarü mugü 7:25

Pemax rü tá ípenagu i ngẽma norü tupananetachicüna̱xãgü, natürü taxũtáma pegüaxü̃́ penade i ngẽma úiru rü diẽrumü i namaxã yatüxünexü̃. Erü ngẽxguma pegüaxü̃́ penadexgu rü wüxi i taxü̃ i chixexü̃ tá pexü i Cori ya Tupanape̱xewa.

Wenaxarü naxümatü ga Tupanaarü mugü 7:5

Rü ngẽmaca̱x tá penaxwa̱xe i noxtacüma nagu pepogüe i ngẽma ãmarearü guruü̃gü i ngextá ngẽma duü̃xü̃gü norü tupanagüca̱x naxü̃nagü nawa ínaguxü̃. Rü ngẽxgumarüxü̃ tá ta nagu pepogüe ya yimá norü nutagü rü naigü i namaxã natupanaã̱xgüxü̃. Rü tá ípenagu i norü tupanachicüna̱xãgü.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

2 Chamué 5:21

Rü nüma ga Firitéugü rü yéma nüxna nibuxmü ga norü tupanachicüna̱xãgü. Rü nüma ga Dabí rü norü churaragümaxã nanade ga yema naxchicüna̱xãgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:11

Rü yexguma ga Dabí rü Baá-perachíü̃wa naxũ rü naxca̱x ínayagoõchi, rü yexma nayadai. Rü yemaca̱x ñanagürü: —Ñoma wüxi i dexá i poraü̃chíüxü̃rüxü̃, Tupana choxü̃ nüxü̃ narüporamaexẽxẽ i chorü uanügü —ñanagürü. Rü yemaca̱x Baá-perachíü̃gu nanaxüégagü ga yema nachica.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 14:13

Natürü ga yema Firitéugü rü wena nagu nachocu ga yema Refaíü̃arü doxonexü̃.