Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:9 - Tupanaarü Ore

⁹ Rü yexguma nachica ga Erá-quidóü̃gu ãégaxü̃wa nangugügu, rü nüma ga Uchá rü naxme̱xmaxã nüxü̃ nayayauxãchi ga yema baú ga Tupanaarü mugü nagu üxü̃ nax tama nanguxü̃ca̱x, yerü ga yema wocagü ga yangegüxü̃ rü iniyi yerü nutagu nayarüpucutügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:9 Referans Kwoze

2 Chamué 6:6

Rü yexguma nawa nangugügu ga yema nachica ga Erá-nacóü̃ nawa trigu ícuexechite̱xexü̃, rü nüma ga Uchá rü nüxü̃ nayayauxãchi ga yema baú ga Tupanaarü mugü nagu üxü̃ nax tama nanguxü̃ca̱x, yerü yema wocagü ga yangegüxü̃ rü iniyi yerü nutagu nayarüpucutügü.

Naanearü ügüchiga 50:10

Rü yexguma yema nachica ga Goréü̃-a-atáxwa nangugügu ga natü ga Yudáü̃arü éstewa, rü wüxi ga ngechaü̃arü ngutaque̱xe yéma naxügü. Rü yéma ga Yúche rü 7 ga ngunexü̃ nanatüca̱x nangechaü̃.

Ínachoxü̃xü̃chiga 19:22

Rü woo i ngẽma chacherdótegü i chope̱xewa duü̃xü̃güétüwa chogügüxü̃ rü nanaxwa̱xegü i nügü namexẽẽgü nax tama natanüwa rü ta chanadaixü̃ca̱x —ñanagürü.

Ínachoxü̃xü̃chiga 19:24

Natürü nüma ga Cori ya Tupana rü ñanagürü: —¡Ẽcü írüxĩ rü ñu̱xũchi Aróü̃maxã naxĩnagü! Natürü ngẽma chacherdótegü rü ngẽma duü̃xü̃gü rü tama chanaxwa̱xe i nüxü̃ nachopetü i ngẽma cua̱xruü̃gü nax chauxü̃tawa naxĩxü̃ca̱x, erü tá ngürüãchi natanüwa rü tá chanadai —ñanagürü.