Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:4 - Tupanaarü Ore

⁴ Rü guxü̃ma ga yema duü̃xü̃gü rü norü me nixĩ nax yemaacü naxügüãxü̃. Yerü yema ore ga Dabí nüxü̃ ixuxü̃ rü naxca̱x rü name.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:4 Referans Kwoze

Ester 8:5

—Pa Ãẽ̱xgacüx, ngẽxguma chi aixcüma choxü̃ cungechaü̃gu, rü aixcüma cuxca̱x namexgu i ngẽma cuxna naxca̱x chacaxaxü̃, rü chanaxwa̱xe i cunaxümatü i to i mu i nüxü̃ ixuxü̃ nax marü yanaxoxü̃ i ngẽma mu ga Amáü̃ unagüxü̃ nax chautanüxü̃ i Yudíugüxü̃ nada̱i̱xü̃ca̱x i guxü̃ma i cuchixü̃anewa.

Norü taxre ga to ga popera ga ãẽ̱xgacügüchiga ümatüxü̃ 30:4

Rü nüma ga ãẽ̱xgacü rü ñu̱xũchi guxü̃ma ga yema duü̃xü̃gü rü norü me nixĩ nax yema norü taxre ya tauemacügu tá nax naxüchigagüãxü̃ ga yema peta.

2 Chamué 3:36

Rü guxü̃ma ga duü̃xü̃gü rü nüxü̃ nicua̱xãchitanü ga yema ãẽ̱xgacü üxü̃ rü nax namexü̃. Yerü guxü̃ma ga yema ãẽ̱xgacü ga Dabí üxü̃ rü duü̃xü̃gü rü namaxã nataãẽgü.

1 Chamué 18:20

Natürü ga yema nai ga Chaúxacü ga Micá, rü Dabímaxã ixãarüã̱x. Rü yexguma Chaúmaxã nüxü̃ yaxugügügu ga ngĩchiga, rü nüma ga Chaú rü nataãxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:5

Rü Dabí rü nanangutaque̱xexẽxẽ ga guxü̃ma ga Iraétanüxü̃. Rü Chió ga Equítuanearü üyewa inaxügü rü ñu̱xmata ĩane ga Amáca̱x íxücuxü̃wa nangu nax Dabíxü̃tawa naxĩxü̃ ga Iraétanüxü̃ nax Quiriáx-yearíü̃wa yayauxgüãxü̃ca̱x ga yema baú ga Tupanaarü mugü nawa yexmaxü̃.