Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:12 - Tupanaarü Ore

¹² Natürü yematama ngunexü̃gu ga Dabí rü poraãcüma Tupanaxü̃ namuü̃, rü tagaãcü ñanagürü: —Marü tama nagu charüxĩnü nax chopatawa chanangexü̃ i ngẽma baú i Tupanaarü mugüchixü̃ —ñanagürü ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:12 Referans Kwoze

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

1 Chamué 6:20

Rü yemaca̱x ga nüma ga Bex-chemécüã̱xgü rü ñanagürügü: —¿Texé tame nax Cori ya Tupana ya üünecüpe̱xewa tangexmaxü̃? ¿Rü ngextá tá ínamuxü̃ i ngẽma baú i ñu̱xmax? —ñanagürügü.

Ore i mexü̃ ga Matéu ümatüxü̃ 25:24

Natürü yexguma norü corixü̃tawa nanguxgu ga yema norü duü̃xü̃ ga 1,000 tachinü ga diẽru ngĩxü̃ yaxuxü̃, rü norü corixü̃ ñanagürü: “Pa Corix, choma nüxü̃ chacua̱x rü wüxi i yatü i aüxü̃ quixĩ. Rü cunayaxu i nanetüarü o i ngextá tama ícutoexü̃wa, rü cunabuxarü oõ̱x i nanetü i tama icutoxü̃.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:11

Rü yexguma ga Dabí rü poraãcüma nanu yerü Cori ya Tupana rü Ucháxü̃ nayuxẽxẽ. Rü yemaca̱x ga yema nachica rü Fére-uchágu nanaxüéga. Rü ñu̱xma rü ta ngẽmatama nixĩ i naéga.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:13

Rü yemaca̱x tama guma Dabíarü Ĩanewa nayange ga yema baú ga Cori ya Tupanaarü mugüchixü̃. Rü norü duü̃xü̃güxü̃ namu nax Obéx-edóü̃patagu naxügüã̱xü̃ca̱x. Rü nüma ga Obéx-edóü̃ rü wüxi ga yatü ga Gáxcüã̱x nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:30

Natürü nüma ga Dabí rü taxucürüwa Gabaóü̃wa naxũ nax yéma Tupanaca̱x ãmare yanaguxü̃ca̱x rü Tupanana yaca̱xaxü̃ca̱x, yerü namuü̃ ga yexguma nüxü̃ nada̱u̱xgu ga norü tara ga yema Tupanaarü orearü ngeruxü̃.