Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:10 - Tupanaarü Ore

¹⁰ Rü yemaca̱x ga Cori ya Tupana rü Uchámaxã nanu yerü nüxü̃ ningõgü ga yema baú ga Tupanaarü mugüchixü̃. Rü yemaca̱x nüma ga Tupana rü nüxna nanayaxu ga norü maxü̃, rü yexmatama nayu Cori ya Tupanape̱xegu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:10 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:15

Rü yema naxpawerumaxã nügüãtügu nayangetaü̃gü yema Tupana rü Moichémaxã nüxü̃ ixuxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:13

Rü yexguma noxri yayaxu̱xgu ga yema baú ga Tupanaarü mugüchixü̃, rü tama pema peyayaxu. Rü yemaca̱x ga nüma ga Tupana rü nanadai ga ñuxre ga tatanüxü̃, yerü tama naga taxĩnüe rü tama nüxna icaxíraãcü tayayauxgü —ñanagürü ga Dabí.

Iraétanüxü̃arü muxchiga 4:15

Rü ngẽxguma Aróü̃ rü nanegü marü nüxü̃́ nagu̱xgu nax yanáixpüü̃güãxü̃ i guxü̃ma i ngẽma Tupanapataarü ngẽmaxü̃gü i üünegüxü̃, rü ngẽxguma marü inaxĩãchichaü̃gu, rü nüma i Queáxtanüxü̃ rü ngéma tá naxĩ nax yanaxãxü̃ca̱x i guxü̃ma i ngẽma ngẽmaxü̃gü. Natürü taxũtáma nüxü̃ ningõgügü i ngẽma ngẽmaxü̃gü i üünegüxü̃ nax tama nayuexü̃ca̱x. Rü guxü̃ma i ngẽma Tupanapataarü ngẽmaxü̃gü rü Queáxtanüxü̃ tá nixĩ i yanaxü̃.

1 Chamué 6:19

Natürü nüma ga Cori ya Tupana rü nanadai ga ñuxre ga duü̃xü̃gü ga Bex-chemécüã̱xgü yerü yema Tupanaarü mugüchixü̃ ga baúgu nadaucu. Rü 70 ga yatügü nixĩ ga yuexü̃. Rü nüma ga yema ĩanecüã̱xgü rü poraãcüxüchima naxauxe naxca̱x ga yema duü̃xü̃gü ga Cori ya Tupana natanüwa daixü̃.

Yochué 6:6

Rü yexguma ga nüma ga Yochué rü chacherdótegüca̱x naca rü ñanagürü nüxü̃: —¡Peyange i ngẽma baú i Cori ya Tupanaarü mugüchixü̃! Rü 7 i pemax rü ngẽma baúpe̱xegu tá pexĩ namaxã ya perü carnéruchatacu̱xregü —ñanagürü.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:11

Rü yexguma ga Dabí rü poraãcüma nanu yerü Cori ya Tupana rü Ucháxü̃ nayuxẽxẽ. Rü yemaca̱x ga yema nachica rü Fére-uchágu nanaxüéga. Rü ñu̱xma rü ta ngẽmatama nixĩ i naéga.