Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8 - Tupanaarü Ore

⁸ Rü nayexma ta ga ñuxre ga Gáxtanüxü̃ ga Dabíwa choü̃xü̃ ga yexguma chianexü̃wa nayexmagu ga Dabí. Rü nümagü rü churaragü ga tama muü̃wa̱xegüxü̃ rü daica̱x ngúexü̃ nixĩgü. Rü wocaegümaxã nixãxne rü poxü̃ruxü̃ nüxü̃́ nayexma. Rü nanuchametügü ñoma leóü̃gürüxü̃. Rü yexguma ma̱xpǘnegüwa ínaxüãchigu rü ñoma cowürüxü̃ nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8 Referans Kwoze

2 Chamué 2:18

Rü yema tomaepü̱x ga Cheruiá nanegü ga Yoá rü Abichái rü Achaé rü yema nügü ínadaixü̃wa nayexmagü. Rü yema Achaé rü wüxi ga cowürüxü̃ napora ga ñaãchiwa.

2 Chamué 23:20

Rü Benaía ga Yoiadá nane ga ĩane ga Caxcheécüã̱x, rü yatü ga poracü nixĩ rü muxü̃ma ga dai ga ãũcümaxü̃wa narüporamae. Rü nüma nixĩ ga nadaiaxü̃ ga guma taxre ga Moáanecüã̱x ga Arié nanegü. Rü wüxi ga ngunexü̃ ga yexguma gáuxü̃ rüyixgu rü yemacha̱xwa wüxi ga ãxmaxü̃gu naxücu rü yexma aixepegu nayama̱x ga wüxi ga leóü̃.

2 Chamué 17:10

Rü woo ngẽma curü churaragü i nügü írüporaexü̃ rü ñoma leóü̃ idüxraxü̃rüxü̃ ixĩgüxü̃ rü tá poraãcü nüxü̃ ínayamuü̃ãchitanü, erü guxü̃ma i Iraéanecüã̱xgü rü nüxü̃ nacua̱xgü rü cunatü rü norü churaragü rü nax naporaexüchixü̃.

Yeremía 46:9

¡Rü pema i cowarugu ĩxẽ rü ipexĩãchi naxca̱x i uanügü! ¡Rü ngẽxgumarüxü̃ ta i pema i carugu ĩxẽ rü ipexĩãchi! ¡Rü ipexĩãchi i pema i Etiopíaanearü churaragü rü Líbiaanearü churaragü i poxü̃ruü̃maxã ixãxnexü̃! ¡Rü ipexĩãchi i pemax i Lídiaanearü churaragü i mea würamaxã daixü̃ cua̱xgüxü̃!

Charumóü̃arü wiyae 8:14

¡Inañaãchi, Pa Chaute ya Choxü̃́ Ngúchaxü̃cüx! ¡Rü ñoma wüxi i cowürüxü̃ rü ñoma cowüxacürüxü̃ inañaãchi! ¡Rü naétüwa nagopetü ya yima ma̱xpǘnegü ya paacaemagüne!

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Ucu̱xẽgüchiga 6:5

¡Rü paxa nüxna ixũgachi i ngẽma cumücüarü ngetanü ñoma wüxi i cowü i cueneecücha̱xwa iñaxü̃rüxü̃, rü wüxi i weri i yütawa iñaxü̃rüxü̃!

Norü taxre ga to ga popera ga ãẽ̱xgacügüchiga ümatüxü̃ 25:5

Rü nüma ga Amachía rü nananutaque̱xe ga guxü̃ma ga Yudáanearü rü Bẽyamíü̃anearü duü̃xü̃gü ga iyatüxü̃. Rü nügütanüxü̃wachigü mea inayanu ga yema duü̃xü̃gü. Rü nüxü̃ naxuneta ga churaragüerugü ga 1,000 ga churaragümaxã icuáxü̃ rü churaragüerugü ga 100 ga churaragümaxã icuáxü̃. Rü yema yatügü ga 20 ga taunecü rüe̱xna yexera nüxü̃́ yexmaxü̃wa nixĩ ga inaxügüãxü̃ nax yaxugüãxü̃. Rü guxü̃wama rü 300,000 wa nangu ga yema yadexechixü̃ ga churaragü ga mexü̃ nax daiwa naxĩxü̃ namaxã ga norü wocaegü rü poxü̃ruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:16

Rü yexgumarüxü̃ ta ñuxre ga Bẽyamíü̃tanüxü̃ rü Yudátanüxü̃ rü Dabí íyexmaxü̃wa naxĩ nax nawa naxügüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:22

Rü Benaía ga Yoiadá nane rü wüxi ga yatü ga poracü nixĩ. Rü nüma rü ĩane ga Caxcheécüã̱x nixĩ, rü muxü̃ma ga daiwa ínanguxuchi. Rü nüma nixĩ ga nadaiaxü̃ ga yema taxre ga nanegü ga Arié ga Moácüã̱x. Rü wüxi ga ngunexü̃ ga yexguma gáuxü̃ rüyixgu rü wüxi ga ãxmaxü̃gu naxücu rü yexma aixepegu wüxi ga leóü̃xü̃ nima̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:16

Rü nüma ga Dabí rü yema ãxmaxü̃wa nayexma ga yexguma wüxitücumü ga Firitéugüarü churaragü Beréü̃wa yexmagügu.

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

1 Chamué 24:22

Rü nüma ga Dabí rü Tupanaégagu Chaúmaxã inaxuneta. Rü yemawena ga nüma ga Chaú rü napataca̱x nataegu. Rü nüma ga Dabí rü norü churaragümaxã wenaxarü yema nagu yacu̱xgüxü̃ ga ma̱xpǘnearü ãxmaxü̃wa naxũ.

1 Chamué 23:29

Rü yemawena ga Dabí rü En-gádiarü chianexü̃wa naxũ nax yéma ma̱xpǘnegüarü cu̱xchicaxü̃wa nayexmaxü̃ca̱x.

1 Chamué 23:14

Rü nüma ga Dabí rü yema chianexü̃ ga Chíxwa naxũ, rü yexma ma̱xpǘnearü ãxmaxü̃gügu norü duü̃xü̃gümaxã nicu̱xgü rü yéma nayexmagü. Rü nüma ga Chaú rü guxü̃ma ga ngunexü̃gu naxca̱x nadau, natürü ga Tupana rü Dabína nadau, rü yemaca̱x ga Chaú rü taguma nüxü̃ inayangau.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:9

Rü ñaagü nixĩ ga naégagü ga yema churaragü: Éche nixĩ ga namaxã icuáxü̃, rü Adía nixĩ ga nawe üxü̃, rü Eriá nixĩ ga norü tomaepü̱x,