Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:40 - Tupanaarü Ore

⁴⁰ Rü yema nüxna ngaicamagüxü̃ rü woo ga yema nüxna yáxü̃gugüxü̃ ga Ichacátanüxü̃ rü Chaburóü̃tanüxü̃ rü Netarítanüxü̃ rü muxü̃ma ga nawemügü yéma naxca̱x nana. Rü caméyugu rü búrugu rü mulagu rü wocagu yéma nanana ga arínagü rü paü̃gü rü úbaarü patanüxü̃ rü bínugü rü chíxü̃gü. Rü yexgumarüxü̃ ta yéma nanagagü ga wocagü rü carnérugü. Rü namuxũchi ga guxü̃ma ga yema nawemügü, yerü guxü̃ma ga Iraétanüxü̃ rü nataãẽgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:40 Referans Kwoze

1 Chamué 25:18

Rü yexguma ngĩma ga Abigái rü ipaxaãẽ rü inade ga 200 ga paũ rü taxrepü̱xü̃ ga bínu. Rü 5 ga carnéru ga íguxü̃, rü 40 quíru naguxü̃ ga trigu ga goxtanüxü̃, rü 100 ya̱xa ga úbaarü patanüxü̃, rü 200 ga iguarü paũ. Rü guxü̃ma ga yema rü ñuxre ga búrugu iyanuü̃. Rü ngĩrü puracütanüxü̃xü̃ ngĩgürügü: —¡Yoxni wixpe̱xegu pexĩ rü ñu̱xmaüra tá ngéma chaxũ! —ngĩgürügü. Rü yema rü tama ngĩtemaxã nüxü̃ iyaxu.

2 Chamué 16:1

Rü yexguma guma ma̱xpǘnechitaeruarü yéamaxü̃ra nanguxgu ga Dabí rü yexma namaxã nügü nangau ga Chibá ga Mepi-bóchexarü puracütanüxü̃. Rü yéma nanagagü ga taxre ga búru ga ixãxwetaxü̃ namaxã ga 200 i paũ rü 100 ga paũ ga maixcuraxü̃ ga úbamaxã ngauxü̃ rü 100 ga paũ ga igumaxã ngauxü̃, rü wüxipüü̃ ga bínu ga naxcha̱xmügu bacucü.

Ucu̱xẽgüchiga 29:2

Ngẽxguma ngẽma duü̃xü̃gü i mexü̃gu rüxĩnüexü̃ ĩanemaxã icua̱xgügu, duü̃xü̃gü rü nataãẽgü. Natürü ngẽxguma ngẽma duü̃xü̃gü i chixexü̃gu rüxĩnüexü̃ ĩanemaxã icua̱xgügu, rü duü̃xü̃gü rü ngúxü̃ ningegü.

Ucu̱xẽgüchiga 11:10

Ngẽxguma mexü̃ nüxü̃ ngupetügu i ngẽma mecümagüxü̃, rü yima ĩanecüã̱x rü nataãẽgü. Rü ngẽxguma nayuegu i ngẽma chixexü̃gu maxẽxü̃, rü guxü̃ma i ĩanecüã̱x rü norü taãẽmaxã nayuxnagütanü.

Norü taxre ga popera ga ãẽ̱xgacügüchiga 11:20

Rü guxü̃ma ga duü̃xü̃gü rü nataãẽgü. Rü yemaacü Ataríaarü yuwena rü guxü̃ma ga guma ĩanecüã̱x rü taxuxü̃ma ga guxchaxü̃gu narüxĩnüe.

Nüxíraxü̃xü̃ ga popera ga ãẽ̱xgacügüchiga 1:40

Yemawena rü guxü̃ma ga yema duü̃xü̃gü rü Charomóü̃we narüxĩ. Rü wowerugu nicuegü, rü poraãcüxüchi nataãẽgü. Rü yema nax natagaxüchixü̃ rü naane nidu̱xru.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:39

Rü guxü̃ma ga yema churaragü rü tomaepü̱x ga ngunexü̃ yéma Dabíxü̃tawa nayexmagü ga Ebróü̃wa. Rü nachibüe rü naxaxegü, yerü yema togü ga natanüxü̃ rü naxca̱x naxüwemügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:1

Rü nüma ga Dabí rü nangutaque̱xe namaxã ga yema norü churaragüerugü rü capitáü̃gü nax norü ucu̱xẽgüca̱x ínaca̱xü̃ca̱x.

Ochéa 3:1

Rü yexguma ga Cori ya Tupana rü wenaxarü chomaxã nidexa rü ñanagürü choxü̃: —¡Ngéma naxũ rü wenaxarü ngĩxca̱x yadau i wüxi i nge i cumücümaxã pexü̃, rü cugüxü̃tawa ngĩxü̃ naga rü ngĩxü̃ nangechaxü̃! Rü ngẽxgumarüxü̃ i choma ya Cori ya Tupana rü ngẽma Iraéanecüã̱xgüxü̃ changechaü̃ama woo i nümagü rü choxna nixĩgachi rü naxca̱x narümemae nax ngẽma tupananetachicüna̱xãgüwe naxĩxü̃ rü nangõ̱xgüãxü̃ i ngẽma maixcuraxü̃gü i namaxã nüxü̃ yacua̱xüü̃güxü̃ —ñanagürü ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:22

Rü yema ngunexü̃gu rü meama nachibüe rü naxaxegü rü poraãcü nataãẽgü nape̱xewa ga Cori ya Tupana. Rü ñu̱xũchi wenaxarü nüxü̃ naxunetagü ga Charomóü̃ ga Dabí nane nax ãẽ̱xgacü yixĩxü̃ca̱x. Rü Tupanape̱xewa chíxü̃maxã nanabaerugü nax nüma Iraéanecüã̱xgümaxã inacuáxü̃ca̱x. Rü yexgumarüxü̃ ta nüxü̃ naxunetagü ga Chadóx nax chacherdótegüarü ãẽ̱xgacü yixĩxü̃ca̱x.