Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:32 - Tupanaarü Ore

³² Rü yema Ichacátanüxü̃ rü 200 ga ãẽ̱xgacügü nixĩ. Rü nümagü rü guxü̃ma ga natanüxü̃ ga churaragümaxã yéma Dabíxü̃tawa nangugü. Rü nüma ga yema churaragüarü ãẽ̱xgacügü rü meama nüxü̃ nacua̱xgü i ñuxgu tá rü ñuxãcü tá namexü̃ nax Iraétanüxü̃ norü uanügümaxã nügü nada̱i̱xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:32 Referans Kwoze

Efesios 5:17

Rü ñu̱xma rü tama name i duü̃xü̃gü i ngẽãẽmarexü̃ãcü pemaxẽ. Rü name nixĩ nax nüxü̃ pecuáxü̃ i ta̱xacü nixĩ i tórü Cori pexü̃́ naxwa̱xexü̃ nax penaxüxü̃.

Ester 1:13

Rü norü numaxã norü ucu̱xẽruü̃gü ga meama yema naanearü mugüxü̃ icuáxü̃na naca nax ta̱xacü tá naxüxü̃ ngĩmaxã ga naxma̱x. Yerü nüma ga ãẽ̱xgacü rü nacüma nixĩ nax norü ucu̱xẽruü̃gü ga meama mugüxü̃ icua̱xgüxü̃na nacaxíraxü̃ naxü̃pa nax ta̱xacürü mu naxunagüxü̃.

Ichaía 33:6

Rü nüma ya Cori ya Tupana rü guxü̃gutáma cuxna nadau. Rü yíxema tümaãẽxü̃ cuáxe rü cua̱x tüxü̃́ ngẽxmaxe, rü ngẽma rü wüxi i tümaarü meruxü̃ i maxü̃wa tüxü̃ gaxü̃ nixĩ. Rü ngẽma nax Cori ya Tupanaga taxĩnüxü̃ rü wüxi i tümaarü meruxü̃ nixĩ.

Ore i mexü̃ ga Matéu ümatüxü̃ 16:3

Rü ngẽxguma pa̱xmama nadáutüweanegu rü nacaixanegu, rü: “Tá nachixeane i ñaa ngunexü̃”, ñaperügügü. Rü pema nüxü̃ pecua̱x nax penangugüxü̃ i ñuxgu tá nameanexü̃ rü ñuxgu tá nachixeanexü̃. ¿Rü ñuxãcü i tama nüxü̃ pecuáxü̃ nax ta̱xacüchiga yixĩxü̃ i ngẽma cua̱xruü̃gü i ñu̱xma chauxü̃tawa nüxü̃ pedauxü̃? —ñanagürü.

Ngu̱xẽẽtaeruü̃arü ore 7:19

Rü ngẽma cua̱x rü 10 i ãẽ̱xgacügü i wüxi ya ĩanemaxã icua̱xgüxü̃arü poraarü yexera tüxü̃ naporaxẽxẽ ya yíxema cua̱x tüxü̃́ ngẽxmaxe.

Ucu̱xẽgüchiga 14:8

Yimá yatü ya naãẽxü̃ cuácü, rü ngẽmamaxã nixĩ i nüxü̃ nacuáxü̃ i nacüma i mexü̃. Natürü ngẽma naechitamare maxü̃xü̃, rü nacüma i chixexü̃tama nixĩ i nawomüẽẽxü̃.

Ucu̱xẽgüchiga 24:5

Ngẽma yatü i pora nüxü̃́ ngẽxmaxü̃arü yexera narümemae ya yimá yatü ya cua̱x nüxü̃́ ngẽxmacü. Rü ngẽma poraarü yexera narümemae i cua̱x.

Naanearü ügüchiga 49:14

“Rü Ichacá rü ñoma búru i poraxü̃rüxü̃ nixĩ. Rü nüma rü naxpüxü̃gu narüngü.

Miquéa 6:9

Rü nüma ya Cori ya Tupana rü naxca̱x naca i Yerucharéü̃cüã̱xgü. Rü ngẽma duü̃xü̃gü i naãẽxü̃ cuáxü̃ nixĩ i aixcüma naga ĩnüexü̃. Rü nüma rü ñanagürü: —¡Iperüxĩnüe, Pa Yerucharéü̃cüã̱xgü rü yima ĩanearü ucu̱xẽruxü̃gü! Rü ngẽma duü̃xü̃gü i chixexü̃gu maxẽxü̃patawa nangẽxma i ngẽmaxü̃gü i chixexü̃wa nayaxuxü̃. Rü ngéma nangẽxma i norü yáruxü̃ i chixexü̃ i naxchi chaxaixü̃.

Ngu̱xẽẽtaeruü̃arü ore 9:18

Rü yimá naxnegüarü yexera narümemae i ngẽma cua̱x. Natürü wüxie̱xpü̱xcüna nax chixexü̃ ixüxü̃ rü inayanaxoxẽxẽ i muxü̃ma i mexü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:31

Rü yema ngãxü̃tücumü ga Manachétanüxü̃ rü 18,000 nixĩ ga norü mu. Rü yemagü nixĩ ga nüxü̃ naxunetagüxü̃ nax Dabíxü̃ yangucuchixẽẽgüxü̃ca̱x nax Iraéanearü ãẽ̱xgacü yixĩxü̃ca̱x.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:4

Rü yema Uchítanüxü̃ rü nimuma̱x rü namune. Rü yemaca̱x düxwa namu ga natanüxü̃. Rü yema natanüwa churaragüwa mexü̃ rü 36,000 wa nangu ga norü mu.