Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18 - Tupanaarü Ore

¹⁸ Rü Tupanaãxẽ nüxna nangu ga Amachái ga namaxã icuácü ga yema 30 ga Dabíarü churaragü ga rüporamaegüxü̃, rü ñanagürü: —Pa Dabíx Pa Ichaxí Nanex, toma rü curü ngü̃xẽẽruü̃gü tixĩgü, rü tanaxwa̱xe nax mea cuxü̃́ ínanguxuchixü̃ i guxü̃ma i nagu curüxĩnüxü̃wa. Rü tanaxwa̱xe i mea nüxü̃ naxüpetüxü̃ i guxü̃ma i ngẽma cuwa ügüxü̃, erü yimá curü Tupana cuxü̃ narüngü̃xẽxẽ —ñanagürü. Rü yexguma nüma ga Dabí rü nanade rü norü churaragüeruxü̃ nayaxĩgüxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:18 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 6:34

Natürü ga Cori ya Tupanaãxẽ ya Üünecü rü Yedeóü̃maxã inacua̱x. Rü nüma ga Yedeóü̃ rü carnéruchata̱xcuxregu nicue nax naxü̃tawa naxĩxü̃ca̱x ga Abiéchetanüxü̃ nax íyaxümücügüãxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:10

Rü Cori ya Tupanaãxẽ rü Otoniéwa nangu. Rü nüma ga Otonié rü Iraétanüxü̃maxã inacua̱x. Rü inaxũãchi nax Cucháü̃-richataíü̃maxã nügü yadaixü̃. Rü Cori ya Tupana rü pora nüxna naxã rü Cucháü̃-richataíü̃ narüporamae.

2 Chamué 17:25

Rü nüma ga Acharóü̃ rü Yoáchicüxü Amacháxü̃ naxuneta nax norü churaragümaxã inacuáxü̃ca̱x. Rü Amachá rü Ismaétanüxü̃ ga Itará nane nixĩ. Rü nüma ga Itará rü ngĩmaxã naxãxma̱x ga Naáxacü ga Abigái. Rü Abigái rü Cheruiáxeya̱x iyixĩ. Rü Cheruiá rü Yoáarü mama iyixĩ.

Rux 1:16

Natürü ngĩma ga Rux rü ngĩxü̃ ingãxü̃ga rü ngĩgürügü: —¡Taxṹ i choxü̃ cuca̱a̱xü̃xü̃ nax cuxna chixũgachixü̃ca̱x, rü cuxna chataeguxü̃ca̱x! Erü ngextá ícuxũxü̃wa rü ngéma tá chaxũ, rü ngextá ícupexü̃wa rü ngẽxma tá chape. Curü ĩane rü chorü ĩane tá nixĩ, rü yimá curü Tupana, rü chorü Tupana tá nixĩ.

Gálatas 6:16

Rü Tupanana naxca̱x chaca nax pexü̃ nataãẽxẽẽgüxü̃ca̱x rü nüxü̃́ pengechaü̃tümüxü̃güxü̃ca̱x i guxãma i pema i aixcüma yanguxẽẽgüxe i ngẽma pemaxã nüxü̃ chixuxü̃, rü guxãma ya yíxema aixcüma Tupanaarü duü̃xü̃gü ixĩgüxe.

Ore i mexü̃ ga Matéu ümatüxü̃ 12:30

Rü yíxema tama choxü̃ ngechaü̃xe rü chauxchi taxai. Rü yíxema tama choxü̃ rüngü̃xexẽ́xẽ nax Tupanaca̱x tananutaque̱xexü̃ i duü̃xü̃gü rü cha̱u̱xchawa tanangianexẽxẽ.

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:17

Rü ngĩma ga Abigái rü namaxã ixãte ga Yéte ga Ismaétanüxü̃ ixĩcü. Rü ngĩne rü Amachá nixĩ.

Norü taxre ga popera ga ãẽ̱xgacügüchiga 10:5

Rü yexguma nüma ga ãẽ̱xgacüpataarü yemaxü̃güarü dauruxü̃, rü yema ãẽ̱xgacü ga ĩanemaxã icuáxü̃, rü yema ãẽ̱xgacügü ga iyaexü̃, rü yema Acáx nanegümaxã icua̱xgüxü̃ rü Yeúcax nimugagü rü ñanagürügü: —Toma rü ítamemare nax cuga taxĩnüexü̃. Rü tá tayanguxẽxẽ i guxü̃ma i ngẽma toxü̃ cumuxü̃. Natürü taxúexü̃táma taxuneta torü ãẽ̱xgacüxü̃. Rü ngẽma ta̱xacü i cuxca̱x mexü̃ ¡rü tomaxã naxü! —ñanagürügü.

Norü taxre ga popera ga ãẽ̱xgacügüchiga 9:32

Rü nüma ga Yeú rü yema beü̃tánagu nadaunagü rü ñanagürü: —¿Texé ya chowa üxe? —ñanagürü. Rü taxre rüe̱xna tomaepü̱x ga ãẽ̱xgacüarü ngü̃xẽẽruü̃gü ga yéma yexmagüxü̃ rü ngĩxü̃tawa Yeúca̱x ínadauxü̃.

Nüxíraxü̃xü̃ ga popera ga ãẽ̱xgacügüchiga 9:22

Natürü nüma ga Charomóü̃ rü tama Iraétanüxü̃xü̃ namu nax mugüruü̃gü yaxĩgüxü̃. Rü yema nagu namugüãxü̃ nixĩ nax churaragü yaxĩgüxü̃, rü churaragüarü ãẽ̱xgacügü yaxĩgüxü̃, rü carugü ga churaragüweü̃gü ga dairuü̃gümaxã icua̱xgüxü̃ yaxĩgüxü̃ rü yema churaragü ga cowaruétü ĩxü̃arü ãẽ̱xgacügü yaxĩgüxü̃.

Chacaría 8:23

Rü ngẽxguma nawa nanguxgu i ngẽma ngunexü̃gü rü 10 i yatügü i to i nachixü̃anewa ne ĩxü̃ rü tá wüxi i yudiuca̱x nadaugü rü naxchirugu yangĩgüãcü tá nüxü̃ ñanagürügü: “Cuwe tarüxĩxchaü̃ i Yerucharéü̃wa, erü nüxü̃ taxĩnüchiga nax Tupana rü petanüwa nangẽxmaxü̃”, ñanagürügü tá —ñanagürü ga Cori ya Tupana ya Guxãétüwa Ngẽxmacü.

2 Chamué 19:13

Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.

2 Chamué 15:21

Rü nüma ga Itái rü ãẽ̱xgacüxü̃ nangãxü̃ rü ñanagürü: —Cori ya Tupanaégagu rü cuégagu, Pa Ãẽ̱xgacüx, nüxü̃ chixu rü ngextá cumax, Pa Ãẽ̱xgacüx, ícungexmaxü̃wa rü woo chamaxü̃gu rüe̱xna ngẽxma chayu̱xgu rü ngéma tá changexma i choma nax curü duü̃xü̃ chixĩxü̃ —ñanagürü.

2 Chamué 5:2

Rü woo yexguma Chaú Iraéanearü ãẽ̱xgacü ixĩxgu, rü cuma nixĩ ga aixcüma daiwa tomaxã icucuáxü̃. Rü ñu̱xũchi nüma ga Cori ya Tupana rü nüxü̃ nixu nax cuma tá quixĩxü̃ i tomaxã icucuáxü̃ rü guxü̃ma i Iraéanecüã̱xgüarü ãẽ̱xgacü tá quixĩxü̃ —ñanagürügü.

1 Chamué 8:12

Rü ngẽxgumarüxü̃ tá ta tüxü̃ naxuneta ya toguxegü nax 1,000 i churaragüarü ãẽ̱xgacü nax tixĩgüxü̃ca̱x, rü toguxegü nax 50 i churaragüarü ãẽ̱xgacü nax tixĩgüxü̃ca̱x. Rü ñuxre i pemax, rü tá norü naanearü aimüanewa pexü̃ napuracüe, rü toguxe rü tá norü nanetüarü buxgüwa pexü̃ napuracüexẽxẽ, rü toguxe rü tá naxnegüarü üwa pexü̃ napuracüexẽxẽ, rü toguxe rü tá naweü̃ ya dairuü̃arü üwa pexü̃ napuracüexẽxẽ.

Ãẽ̱xgacügü ga guxchaxü̃güarü mexẽxẽruü̃gü 13:25

Rü wüxi ga ngunexü̃gu ga Chanchóü̃ ga yexguma Dáü̃tanüxü̃arü churaragüarü pegüchicawa naxũxgu ga ĩanegü ga Chorá rü Etaóü̃arü ngãxü̃wa, rü Tupanaãxẽ ya Üünecü inanaxügü nax Chanchóü̃maxã inacuáxü̃.

1 Chamué 16:4

Rü nüma ga Chamué rü nanaxü ga yema Tupana namaxã nüxü̃ ixuxü̃. Rü yexguma Beréü̃wa nanguxgu, rü guma ĩanearü ãẽ̱xgacügü rü namuü̃eãcüma nanayauxgü. Rü nüxna nacagüe rü ñanagürügü: —¿Ta̱xacüwa nua cuxũ? ¿Ẽ̱xna ngüxmüxẽxẽwa nua cuxũ? —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:11

Rü ñaa nixĩ ga naégagü ga yema Dabíarü churaragü ga rüporamaegüxü̃: Yachobeáü̃ ga Axmoní nane. Rü nüma nixĩ ga namaxã inacuáxü̃ ga yema tomaepü̱x ga yexera rüporamaegüxü̃ rü tama muü̃wa̱xegüxü̃. Rü nüma rü wüxi ga daigu norü wocaemaxã nanadai ga 300 ga yatügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:17

Rü yexguma yema duü̃xü̃güxü̃ nada̱u̱xgu rü nüma ga Dabí rü naxca̱x nixũ rü ñanagürü: —Ngẽxguma chorü ngü̃xẽẽwa nua pexĩxgu rü guxü̃ne ya chorü maxü̃nemaxã pexü̃ chade nax chorü churaragütanüwa pichoü̃xü̃ca̱x. Natürü ngẽxguma chixexü̃ i ĩnümaxã nua pexĩxgu nax chauechita chorü uanügüna choxü̃ ípexuaxü̃xü̃ca̱x yixĩxgu, rü ẽcü pexü̃ napoxcu ya yima tórü o̱xigüarü Tupana, erü choma rü taxúemaama guxchaxü̃ chaxü rü tama wüxi i máetaxü̃ chixĩ —ñanagürü ga Dabí.

1 Chamué 16:5

Rü nüma ga Chamué rü nanangãxü̃ rü ñanagürü: —Taxuxü̃ma nixĩ i ngupetüxü̃. Rü nua chaxũ nax Tupanaca̱x wüxi i naxü̃na chimáxü̃ca̱x. ¡Rü ngẽmaca̱x Tupanaca̱x pegü pimexẽxẽgü rü choxü̃ ípixümücü nax ngẽma naxü̃naarü ma̱xwa rü Tupanaarü cua̱xüü̃wa ipexãgüxü̃ca̱x! —ñanagürü. Rü yemawena ga Chamué rü Ichaxíxü̃ rü nanegüxü̃ Tupanaca̱x nimexẽẽgü, rü nüxna naxu nax íyaxümücügüãxü̃ca̱x ga Tupanaarü cua̱xüxü̃wa.

1 Chamué 24:12

Rü Tupana nixĩ ya nüxü̃ cuácü nax texe tixĩxü̃ i ngẽma chixexü̃gu rüxĩnüxü̃. Rü ñu̱xma nax choxü̃ quimáxchaü̃xü̃ rü nüma nixĩ i nüxü̃ nacuáxü̃ i ta̱xacü tá cumaxã naxueguxü̃. Natürü i chomax, Pa Ãẽ̱xgacüx, rü tagutáma ta̱xacürü chixexü̃ cumaxã chaxü.

1 Chamué 24:13

Ngẽma nũxcümaü̃xü̃ i dexa rü ñanagürü: “Ngẽma chixexü̃ rü chixexü̃arü uruü̃güwa ne naxũ”, ñanagürü. Rü ngẽmaca̱x i chomax, Pa Ãẽ̱xgacüx, rü tagutáma nagu charüxĩnü nax cuxü̃ chimáxü̃.

1 Chamué 24:16

Rü yexguma Dabí nüxü̃ rüchauxgu nax yadexaxü̃, rü nüma ga Chaú rü tagaãcü nanangãxü̃ rü ñanagürü: —¿Ẽ̱xna cuma quixĩxü̃, Pa Chaunex, Pa Dabíx, i chomaxã quidexaxü̃? —ñanagürü. Rü ñu̱xũchi inanaxügü ga nax naxaxuxü̃.

Norü taxre ga popera ga ãẽ̱xgacügüchiga 10:15

Rü yexguma nüma ga Yeú rü inixũchigü. Rü namagu nüxü̃ nangau ga Yonadá ga Recáx nane ga Yeúxü̃ íyadauxü̃. Rü Yeú rü nüxü̃ narümoxẽ rü ñanagürü: —¿Namexü̃ i ngẽma chomaxã nagu curüxĩnüxü̃ i ngẽma choma cumaxã mexü̃gu charüxĩnüxü̃rüxü̃? —ñanagürü. Rü nüma ga Yonadá rü nanangãxü̃ rü ñanagürü: —Ngẽmáacüx, mexü̃gu cumaxã charüxĩnü —ñanagürü. Rü yexguma nüma ga Yeú rü ñanagürü: —Ega ngẽxguma ngẽmaãcü yixĩxgu rü choxna naxãxme̱x —ñanagürü ga Yeú. Rü yexguma ga Yonadá rü nüxna naxãxme̱x rü nüma ga Yeú rü norü carugu Yonadáxü̃ naxĩnagüxẽxẽ.