Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:9 - Tupanaarü Ore

⁹ Rü yemaacü ga Dabí rü guxü̃wama nanguchiga nax naporaxüchixü̃. Rü nüma ya Cori ya Tupana ya Guxãétüwa Ngẽxmacü rü naxü̃tawa nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:9 Referans Kwoze

2 Chamué 3:1

Rü yema nügü nax nada̱i̱xü̃ ga Chaúarü churaragü namaxã ga Dabíarü churaragü rü tama paxa nigue. Natürü Dabíarü pora rü yexera nixĩnagüchigü, rü Chaútanüxü̃arü pora rü ínarüxĩchigü.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ester 9:4

Rü nüma ga Maduquéu rü ãẽ̱xgacüpatawa rü ãẽ̱xgacüarü ngü̃xẽẽruxü̃ ga mecü nixĩ. Rü guxü̃ma ga Achuéruchixü̃anegüwa rü nüxü̃ nacuáchigagü. Rü yemaacü wüxichigü ga ngunexü̃gu rü yexeraãcü napora.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:20

Rü nũxcüma nüxíra namaxã icuácü ga yema puracü nixĩ ga Fineéx ga Ereachá nane. Rü nüma ga Cori ya Tupana rü guxü̃guma namaxã nayexma.

2 Chamué 5:10

Rü nüma ga Dabí rü yexeraãcü niporachigü. Rü nüma ga Cori ya Tupana ya Guxü̃étüwa Ngẽxmacü rü nüxü̃ narüngü̃xẽxẽ.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Yox 17:9

Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:8

Rü nüma ga Dabí rü nayaxüama ga guma ĩane nacüwawa ga yema dauxü̃taechica. Rü yoxni ga Yoá rü nayamexẽxẽ ga guma náigü ga Yerucharéü̃arü ĩgü ga nagu ínapogüexü̃wa.