Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:22 - Tupanaarü Ore

²² Rü Benaía ga Yoiadá nane rü wüxi ga yatü ga poracü nixĩ. Rü nüma rü ĩane ga Caxcheécüã̱x nixĩ, rü muxü̃ma ga daiwa ínanguxuchi. Rü nüma nixĩ ga nadaiaxü̃ ga yema taxre ga nanegü ga Arié ga Moácüã̱x. Rü wüxi ga ngunexü̃ ga yexguma gáuxü̃ rüyixgu rü wüxi ga ãxmaxü̃gu naxücu rü yexma aixepegu wüxi ga leóü̃xü̃ nima̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:22 Referans Kwoze

2 Chamué 8:18

Rü nanegü ga Dabí rü norü ngü̃xẽẽruü̃gü nixĩgü. Rü Benaía ga Yoiadá nane rü churaragü ga Queretéugümaxã rü Peretéugümaxã inacua̱x.

Yochué 15:21

Rü guma ĩanegü ga nayauxgüne nawa ga naane ga súrwaama üxü̃ ga Edóü̃maxã íyaxüyeanexü̃wa rü daagü nixĩ: Caxcheé, rü Édex, rü Yagúx, rü Quiná, rü Dimoná, rü Adadá, rü Quéde, rü Achóx, rü Ixnáü̃, rü Chíx, rü Téreü̃, rü Bearóx, rü Achóx-adatá, rü Querióx, rü Eróü̃. Rü to ga naéga nixĩ ga Achóx.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:8

Rü nayexma ta ga ñuxre ga Gáxtanüxü̃ ga Dabíwa choü̃xü̃ ga yexguma chianexü̃wa nayexmagu ga Dabí. Rü nümagü rü churaragü ga tama muü̃wa̱xegüxü̃ rü daica̱x ngúexü̃ nixĩgü. Rü wocaegümaxã nixãxne rü poxü̃ruxü̃ nüxü̃́ nayexma. Rü nanuchametügü ñoma leóü̃gürüxü̃. Rü yexguma ma̱xpǘnegüwa ínaxüãchigu rü ñoma cowürüxü̃ nixĩgü.

Nüxíraxü̃xü̃ ga popera ga ãẽ̱xgacügüchiga 2:30

Rü nüma ga Benaía rü Tupanapatawa naxũ rü Yoáxü̃ ñanagürü: —Ãẽ̱xgacü rü nanaxwa̱xe nax ícuxũxũxü̃ i nua —ñanagürü. Natürü nüma ga Yoá rü nanangãxü̃ rü ñanagürü: —Tama, rü nuxãtátama chayu —ñanagürü. Rü yexguma nüma ga Benaía rü nataegu rü ãẽ̱xgacümaxã nüxü̃ nixu ga yema Yoáarü ngãxü̃ga.

Nüxíraxü̃xü̃ ga popera ga ãẽ̱xgacügüchiga 1:38

Rü yemawena Charomóü̃xü̃tawa naxĩ ga chacherdóte ga Chadóx rü ñu̱xũchi orearü uruxü̃ ga Natáü̃, rü Benaía ga Yoiadá nane ixĩcü, rü ñu̱xũchi ãẽ̱xgacüarü dauruü̃gü ga churaragü ga Queretéugü rü Peretéugü. Rü ãẽ̱xgacü ya Dabíarü mulagu nanatonagüxẽẽgü ga Charomóü̃, rü ñu̱xũchi natüacü ga Guióü̃wa nanagagü.

Nüxíraxü̃xü̃ ga popera ga ãẽ̱xgacügüchiga 1:8

Natürü ga chacherdóte ga Chadóx, rü tama Adoníawa naxǘ, rü bai ga Benaía ga Yoiadá nane, rü bai ga gumá Tupanaarü orearü uruxü̃ ga Natáü̃, rü bai ga Chimí ga ãẽ̱xgacü ga Dabímücüxüchi ixĩcü, rü bai ga yema Dabíarü churaragü ga nüxü̃ rücua̱xmaegüxü̃ rü taxuxü̃ma naxügü.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.

2 Chamué 1:23

Rü duü̃xü̃gü rü poraãcü Chaúxü̃ rü Yonatáü̃xü̃ nangechaxü̃gü rü nanaxwa̱xegü. Rü yexguma namaxẽgu rü taguma nügüna nixĩgachitanü rü ñu̱xma nax nayuexü̃ rü wüxigu nayue. Rü nümagü rü ĩyügüarü yexera napaxaãẽgü rü leónarü yexera narüporamaegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:28

Rü Chadóx rü wüxi ga ngextü̱xücü nixĩ, natürü wüxi ga churara ga poracü nixĩ rü 22 ga natanüxü̃arü ãẽ̱xgacügümaxã yéma nangu.