Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:20 - Tupanaarü Ore

^20-21 Rü Abichái ga Yoá naenexẽ nixĩ ga namaxã icuáxü̃ ga yema 30 ga yexera rüporamaegüxü̃ rü tama muü̃wa̱xegüxü̃. Rü wüxi ga ngunexü̃gu Abichái norü wocaemaxã nanadai ga 300 ga yatü. Rü yemaca̱x natachiga natanüwa ga yema 30 ga yexera rüporamaegüxü̃. Rü nawa nangu nax yema 30 maxã inacuáxü̃. Natürü nüma ga Abichái rü tama namaxã nawüxigu ga yema tomaepü̱x ga nüxíraxü̃güxü̃ ga Yoá rü Yachobeáü̃ rü Ereachá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:20 Referans Kwoze

1 Chamué 26:6

Rü yexguma ga nüma ga Dabí rü nidexa namaxã ga Aimérex ga Itítanüxü̃ ixĩcü, rü Abichái ga Cheruiá nane ga Yoáenexẽ. Rü yemagüna naca rü ñanagürü: —¿Texé ya ímemarexe nax chowe tarüxũxü̃ nax Chaú íngẽxmaxü̃wa ixĩxü̃? —ñanagürü. Rü nüma ga Abichái nanangãxü̃ rü ñanagürü: —Choma tá cuwe charüxũ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:16

Rü nüma ga Ichaxí rü nüxü̃́ iyexma ga taxre ga naxacügü ga Cheruiá rü Abigái. Rü Cheruiá ngĩnegü rü tomaepü̱x nixĩ: Abichái rü Yoá rü Achaé.

2 Chamué 21:17

Natürü nüma ga Abichái ga Cheruiá nane rü yéma naña rü Dabíxü̃ nayarüngü̃xẽxẽ, rü yema Firitéuxü̃ nima̱x. Rü ñu̱xũchi Dabíarü churaragüerugü rü Dabíxü̃ inaxunetagüxẽxẽ nax taguma wena daiwa nawe naxũxü̃ca̱x nax ngẽmaãcü tama nayuxü̃ca̱x ya Iraéanearü ãẽ̱xgacü.

2 Chamué 20:6

Rü yexguma ga Dabí rü Abicháixü̃ ñanagürü: —Chebá rü taxü̃ i chixexü̃ tá tamaxã naxü Acharóü̃arü yexera. ¡Rü ngẽmaca̱x namaxã inacua̱x i chorü churaragü rü nawe nangẽ naxü̃pa nax ĩanegü ya ípoxegunexü̃ iyangauxü̃ rü ngẽmaãcü marü taxucürüwa tayayaxu! —ñanagürü.

2 Chamué 18:2

Rü yemawena rü tomaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoá. Rü totücumümaxã inacua̱x ga Abichái ga Cheruiá nane ga Yoáenexẽ ixĩcü. Rü yema totücumümaxã inacua̱x ga Itái ga ĩane ga Gáxcüã̱x ixĩcü. Rü ñu̱xũchi ga nüma ga Dabí rü guxü̃ma ga yema norü churaragüxü̃ ñanagürü: —Choma rü tá ta pexü̃ íchixümücü i daiwa —ñanagürü.

2 Chamué 3:30

Yoá rü Abichái nixĩ ga Abnéxü̃ ima̱xgüxü̃, yerü yexguma Gabaóü̃gu nügü nadaixgu rü naenexẽ ga Achaéxü̃ nima̱x ga Abnéx.

2 Chamué 2:18

Rü yema tomaepü̱x ga Cheruiá nanegü ga Yoá rü Abichái rü Achaé rü yema nügü ínadaixü̃wa nayexmagü. Rü yema Achaé rü wüxi ga cowürüxü̃ napora ga ñaãchiwa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:19

Rü ñanagürü: —Tupana rü tama nanaxwa̱xe nax chayaxa̱xüxü̃ i ñaa dexá. Erü ngẽxguma chi chayaxaxügu rü ñoma ngẽma tomaepü̱x i yatüarü nagüwa chaxaxexü̃rüxü̃ chi nixĩ. Erü nümagü rü ãũcümaxü̃wa nanangexmagüxẽxẽ i norü maxü̃ nax nawa naxĩxü̃ca̱x i ngẽma dexá —ñanagürü. Rü yema nixĩ ga naxügüxü̃ ga yema tomaepü̱x ga yatü ga tama muü̃wa̱xegüxü̃.