Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:10 - Tupanaarü Ore

¹⁰ Rü ñaagü nixĩ ga yema Dabíarü churaragü ga yexera rüporamaegüxü̃ rü tama muü̃wa̱xegüxü̃ ga nüxü̃ rüngü̃xẽẽgüxü̃ ga yexguma ãẽ̱xgacü yixĩxgu. Rü nümagü rü wüxigu guxü̃ma ga Iraétanüxü̃maxã nixĩ ga Dabíxü̃ yangucuchixẽẽgüxü̃ nax ãẽ̱xgacü yixĩxü̃ca̱x, yema Cori ya Tupana Iraétanüxü̃maxã nüxü̃ ixuxü̃ãcüma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:10 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3

Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:38

Rü guxü̃ma ga yema churaragü rü daica̱x ínamemaregü. Rü taãẽãcü Ebróü̃wa naxĩ nax Dabíxü̃ yangucuchixẽẽgüxü̃ca̱x nax guxü̃ma i Iraétanüxü̃arü ãẽ̱xgacü yixĩxü̃ca̱x. Rü guxü̃ma ga yema togü ga Iraétanüxü̃ rü yexgumarüxü̃ ta yemagutama narüxĩnüe.

2 Chamué 3:21

Rü ñu̱xũchi nüma ga Abnéx rü Dabíxü̃ ñanagürü: —Ñu̱xma rü tá cuxna chataegu nax namaxã changutaque̱xexẽẽxü̃ca̱x i guxü̃ma i Iraétanüxü̃ nax nüma nüxü̃ yaxugüxü̃ca̱x nax norü ãẽ̱xgacüxü̃ cuxü̃ naxunetagüxü̃ nax ngẽmaãcü i cumax, Pa Ãẽ̱xgacüx, rü ngẽma cuma cunaxwa̱xexü̃ãcü namaxã nax icucuáxü̃ca̱x —ñanagürü. Rü nüma ga Dabí rü Abnéxü̃ narümoxẽ, rü Abnéx rü taãẽxãcü nataegu.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:23

Rü ñaa nixĩ ga norü mu ga yema churaragü ga meama ixãxnexü̃ rü daixü̃ icuáxü̃ ga Dabíwa choü̃xü̃ ga Ebróü̃wa nax Chaúchicüxü Iraéanearü ãẽ̱xgacüxü̃ yangucuchixẽẽgüãxü̃ca̱x, yema Cori ya Tupana naxunagüxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:1

Rü nüma ga Dabí rü Yerucharéü̃gu nanangutaque̱xexẽxẽ ga guxü̃ma ga Iraéanearü ãẽ̱xgacügü. Rü yematanüwa nayexma ga norü ãẽ̱xgacügü ga yema 12 ga Iraétücumügümaxã icua̱xgüxü̃, rü ãẽ̱xgacügü ga Dabíarü churaragümaxã icua̱xgüxü̃, rü yema churaragüarü comaü̃dáü̃tegü rü capitáü̃gü, rü yema ãẽ̱xgacügü ga Dabíarü rü nanegüarü naanegümaxã rü naxü̃nagümaxã icua̱xgüxü̃, rü guxü̃ma ga yema togü ga ãẽ̱xgacügü ga itaxégatanücüüxü̃ ga Iraéanewa, rü guxü̃ma ga yema churaragü ga tama muü̃wa̱xegüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:21

Rü guxü̃ma ga nümagü rü churaragü ga iporaxü̃ nixĩgü. Rü yemagü nixĩ ga Dabíarü churaragümaxã icua̱xgüxü̃ rü Dabíxü̃ rüngü̃xẽẽgüxü̃ ga yexguma norü uanügümaxã nügü nadaixgu. Rü nümagü rü Dabíarü churaragüarü ãẽ̱xgacügüwa nangugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:24

Rü yema churaragü rü ñaa nixĩ ga norü mu: Rü yema Yudátanüxü̃ rü 6,800 nixĩ ga daica̱x ímegüxü̃. Rü guxü̃ma ga yemagü rü wocaemaxã nixãxne rü nüxü̃́ nayexma ga norü poxü̃ruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:39

Rü guxü̃ma ga yema churaragü rü tomaepü̱x ga ngunexü̃ yéma Dabíxü̃tawa nayexmagü ga Ebróü̃wa. Rü nachibüe rü naxaxegü, yerü yema togü ga natanüxü̃ rü naxca̱x naxüwemügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:1

Rü yema Iraétanüxü̃arü churaragü rü 12 tücumügu nitoye. Rü wüxitücumüwachigü rü 24,000 ga churaragü nayexma. Rü yema churaragümaxã icua̱xgüxü̃ nixĩ ga yema yatügü ga natanüxü̃arü ãẽ̱xgacügü ixĩgüxü̃. Rü yema churaraerugütanüwa nayexma ga yema 1,000 ga churaragümaxã icua̱xgüxü̃, rü yema 100 ga churaragümaxã icua̱xgüxü̃, rü yema churaragüerugü ga Dabíaxü̃́ puracüexü̃. Rü guxcüma ga taunecügu rü yema wüxitücumüchigü rü wüxitama ga tauemacü nixĩ ga nadauxü̃taegüxü̃.