Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13 - Tupanaarü Ore

^13-14 Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13 Referans Kwoze

Lebítanüxü̃arü puracüchiga 20:6

Rü yíxema naxca̱x ixũxe i ngẽma chixexü̃ i naãẽgümaxã puracüexü̃ rü ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃, rü tügütama tachixexẽxẽ. Rü choma rü tá tümachi chaxai ya yíxema duü̃xẽ rü wüxicana tá tüxü̃ ichayarüxoxẽxẽ i duü̃xü̃gütanüwa.

Lebítanüxü̃arü puracüchiga 19:31

¡Taxũtáma nüxna peyaca i ngẽma naãẽgü i yuuxü̃ namaxã puracüexü̃! ¡Rü taxũtáma nüxna peyaca i ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃! ¡Rü taxũtáma ngẽmaãcü pegü pixãũãchixẽxẽ! Rü choma nixĩ i perü Cori ya Tupana chixĩxü̃.

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

1 Chamué 15:2

Rü ñanagürü ya Cori ya Tupana ya Guxãétüwa Ngẽxmacü: “Chanapoxcu tá i ngẽma Amaréxtanüxü̃ naxca̱x ga yema Iraétanüxü̃maxã naxügüxü̃, yerü yexguma Equítuanewa ínachoxü̃gu rü tama norü naanewa nanachopetüxẽẽchaü̃.

Ínachoxü̃xü̃chiga 22:18

¡Rü ngẽma ngexü̃ i yuüexü̃ rü tá peyama̱x!

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

1 Chamué 15:11

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.

Wiyaegü 25:3

Rü yíxema cuxü̃́ yaxṍxe rü tagutáma ãne tinge. Natürü ngẽma tama cuga ĩnüexü̃ rü natüca̱xma cumaxã nuexü̃, rü ãne tá ningegü.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Ucu̱xẽgüchiga 2:22

Natürü ngẽma duü̃xü̃gü i chixexü̃gu maxẽxü̃ i tama Tupanaga ĩnüexü̃ rü tá ínawoxü̃ i ñaa naanewa.