Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:7 - Tupanaarü Ore

⁷ Rü Yabáü̃ nanegü nixĩ ga Erichá, rü Tárchix, rü Quitíü̃, rü Rodaníü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:7 Referans Kwoze

Danié 11:30

Erü churaragü i wapurugu Oéstewa ne ĩxü̃ tá naxca̱x ínayaxüãchi i ngẽma Nórteanearü churaragü. Rü ngẽmamaxã tá naba̱i̱xãchie rü norü muü̃maxã tá nibuxmü. Rü ngẽmaca̱x i ngẽma Nórteanearü ãẽ̱xgacü rü norü numaxã tá chixexü̃ naxü namaxã i ngẽma Tupanaarü duü̃xü̃gü i Iraétanüxü̃. Natürü ngẽma Iraétanüxü̃ i Tupanana ixĩgachixü̃ rü tá ngẽma ãẽ̱xgacüétüwa naxügü.

Yeremía 2:10

¡Rü ẽcü ngẽma nachixü̃anegü i yáxü̃wa ngẽxmagüxü̃wa pexĩ, rü peyangugü rü aixcüma ngẽma nachixü̃anecüã̱xgü rü norü tupanachicüna̱xãxgüxü̃ naxoe, ngẽma pema choxü̃ nax pexoexü̃rüxü̃! Rü woo ngẽma capaxũgü i oéstewa ngẽxmagüxü̃wa pexĩxgu, rüe̱xna Quedáxarü chianexü̃ i éstewa ngẽxmaxü̃wa pexĩxgu, rü ngéma rü taxũtáma nüxü̃ ipeyangau nax ngẽma nachixü̃anecüã̱xgü norü tupanachicüna̱xãxgüxü̃ naxoexü̃ woo tama aixcüma Tupanaxü̃chi nax yixĩxü̃. Natürü i pema i chorü duü̃xü̃gü nax pixĩgüxü̃ rü woo perü Tupana ya üünecü nax chixĩxü̃ rü choxü̃ pexoe naxca̱x i ngẽma tupananetachicüna̱xãgümare i taxuwama mexü̃.

Ichaía 66:19

Rü wüxi i cua̱xruxü̃ tá nüxü̃ chawe̱x i ngẽma duü̃xü̃gü i maxẽxü̃. Rü togü i nachixü̃anegüwa tá chanamugü i Tárchixwa rü Líbiawa rü Lídiawa i ngextá mea würaarü maxü̃xü̃ ínacua̱xgüxü̃wa. Rü tá nawa chanamugü i Tubáxwa rü Gréchiawa rü ngẽma nachixü̃anegü i yáxü̃wa ngẽxmagüxü̃ i márpechinüwa i ngextá taguma chauchigaxü̃ ínaxĩnüexü̃wa rü taguma chorü poraxü̃ ínadaugüxü̃wa. Rü nümagü rü tá ngẽma nachixü̃anegüwa nüxü̃ nixugüe i chorü porachiga.

Ichaía 23:12

Rü ĩane ya Chidóü̃xü̃ ñanagürü: —¡Pa Ĩane ya ñoma wüxi i paxü̃ i chixri maxü̃xü̃rüxü̃ nax quixĩxü̃, rü marütama nax petagu icurüxã́ũxü̃! Rü woo tá Chíprewa naxĩ i curü duü̃xü̃gü nax ngẽxma nüxü̃ yanangümaexü̃ca̱x i norü guxchaxü̃gü, natürü ngẽxma rü ta rü tagutáma taãẽxü̃ nayangaugü —ñanagürü.

Ichaía 23:1

Ñaa nixĩ i ore i ĩane ya Tíruca̱x ixĩxü̃: Rü yima wapurugü ya Tárchixwa ne ĩxü̃nearü yoragü rü nügümaxã naxauxe, erü ngẽma Tíruarü türe i nawa ínachoü̃xü̃ rü nachixe. Rü ngẽma türe i wapuruarü choü̃chica i nawa wapurugü íchoü̃xü̃xü̃ i ngẽxguma Chíprewa ne naxĩxgu rü marü poraãcü nachixe.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Iraétanüxü̃arü muxchiga 24:24

Rü Chípreanewa tá ne naxĩ ya wapurugü, rü guxü̃netáma ya Achíriaanearü ĩanegügu rü Ébeanearü ĩanegügu rü tá napogüe —ñanagürü.

Echequié 27:6

Rü yima cuxẽ̱xmügü rü Bacháü̃wáü̃güxü̃ ga roblenaxca̱x nixĩgü. Rü ngẽma mürapewagü i namaxã cutüétüxü̃ rü Chíprewaü̃güxü̃ i nainaxca̱x nixĩ. Rü guxü̃ma i ngẽma rü marfíxmaxã nanga̱xãẽgü.

Naanearü ügüchiga 10:4

Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:6

Rü Góme nanegü nixĩ ga Aquená, rü Rifáx, rü Togamá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:8

Rü Cáü̃ nanegü nixĩ ga Cúx, rü Mirayíü̃, rü Fúx, rü Canaáü̃.

Echequié 27:7

Rü ngẽma cuxü̃ ixũxẽẽxü̃ i línutachinü i meama nga̱xãẽxü̃ rü Equítuwaü̃xü̃ nixĩ. Rü ngẽma línutachinü rü curü wonera nixĩ. Rü ngẽma curü tüétüruxü̃ rü naxchiru i daucharaxü̃ rü wẽxracharaxü̃ i Ericháarü capaxũwa ne naxü̃ nixĩ.