Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:13 - Tupanaarü Ore

¹³ Canaáü̃ nane ga nüxíraü̃cü rü Chidóü̃ nixĩ, rü gumá nai ga nane rü Éx nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:13 Referans Kwoze

2 Chamué 11:6

Rü yexguma ga Dabí rü wüxi ga poperagu Yoáxü̃tawa nanamu ga ore ga ñaxü̃: —¡Nua chauxü̃tawa namu ya yimá Itítanüxü̃ ya Uría! —ñaxü̃. Rü yemaacü nanaxü ga Yoá.

Yochué 9:1

Rü gumá Itítanüxü̃arü ãẽ̱xgacü, rü Amoréutanüxü̃arü ãẽ̱xgacü, rü Canaáü̃tanüxü̃arü ãẽ̱xgacü, rü Ferechéutanüxü̃arü ãẽ̱xgacü, rü Ebéutanüxü̃arü ãẽ̱xgacü, rü Yebuchéutanüxü̃arü ãẽ̱xgacü, rü nüxü̃ nacuáchigagü ga yema Yericúwa rü Áiwa ngupetüxü̃. Rü yema ãẽ̱xgacügü rü natü ga Yudáü̃arü oéstegu nixĩ ga naxãchiü̃güxü̃, rü nümaxü̃ rü ínamáxpü̱xanexü̃gu rü togü rü ínametachinüanexü̃gu, rü togü rü Már i Mediteráneucutügu rü ñu̱xmata Líbanuarü naanewa nangu.

Ínachoxü̃xü̃chiga 23:28

Rü ngextá íquixüpetüchigüxü̃wa rü tá ichayadaxẽxẽ nax pexü̃ namuü̃exü̃. Rü ngẽmaca̱x tá cuxcha̱xwa nibuxmü i ngẽma Ebéutanüxü̃, rü Itítanüxü̃, rü Canaáü̃tanüxü̃.

Naanearü ügüchiga 27:46

Rü yemawena ga Rebéca rü Ichaámaxã iyadexa, rü ngĩgürügü: —Düxwa nüxü̃ charüchau i nacüma i ngẽma taxre i Itítanüxü̃ i Echaú namaxã ãmaxü̃. Rü ngẽxguma chi Acóbu rü wüxi i ngẽma númacüã̱x i Itítanüxü̃maxã naxãxma̱xgu, rü narümemae nixĩ i noxtacüma chayuxü̃ —ngĩgürügü.

Naanearü ügüchiga 23:20

Rü yemaacü Abraáü̃arü nixĩ ga yema naane rü yema naxma̱xü̃ ga nawa yexmaxü̃ ga Itítanüxü̃ namaxã nüxü̃ taxexü̃ nax tauque yixĩxü̃ca̱x.

Naanearü ügüchiga 23:5

Rü yema Itítanüxü̃ nanangãxü̃gü rü nüxü̃ ñanagürügü: —¡Dücax, toxü̃́ irüxĩnü, Pa Corix! ¡Rü cuma nixĩ i totanüwa Tupana cuxü̃ unetaxü̃! ¡Rü ẽcü ngẽma rümemaexü̃ i torü yuxetamaxü̃gügu ngĩxü̃ nata̱x i ngẽma cuxma̱x! Erü taxúema i totanüwa cuxna tayanuxü̃ i ngẽma torü yuetamaxü̃ —ñanagürügü.

Naanearü ügüchiga 23:3

Yemawena rü ínaxũxũ ga yema Cháraxü̃ne íxüxü̃wa, rü yema yémacüã̱xgü ga Itítanüxü̃maxã nüxü̃ nayarüxu, rü ñanagürü: —Rü woo to i nachixü̃anecüã̱x chixĩ i petanüwa ¡rü wüxi i naanemaxã choxü̃ petaxe nax ngẽxma ngĩxü̃ chatáxü̃ca̱x i cho̱xma̱x! —ñanagürü.

Naanearü ügüchiga 9:22

Rü nane ga Cáü̃ ga Canaáü̃ nanatü, rü yexguma nanatü ga Noéxü̃ nada̱u̱xgu nax nangexchiruxü̃, rü yema taxre ga naenexẽgümaxã nüxü̃ nixu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:14

Rü Canaáü̃ nixĩ ga norü o̱xi ga Yebuchéutanüxü̃, rü Amoréutanüxü̃, rü Guerguechéutanüxü̃, rü Ebéutanüxü̃, rü Arachéutanüxü̃, rü Chinéutanüxü̃, rü Arbadéutanüxü̃, rü Chemaréutanüxü̃, rü Amatéutanüxü̃.