Tito 3:14 - Nuevo Testamento Toba Sur

¹⁴ Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

Nuevo Testamento Toba Sombrero Negro

¹⁴ Nataq'aen ena'uaque gaa'me mach'e qadepi'iyaĝa'u 'noota qom yayate'n ta'le yauote joda'me 'noota, qama'le lecochiyalo gaa'me jo'ne 'uo da'me louenaĝanaĝa'j, qaedi qoyiyamaqa'tema jogaa'me.

La'aqtaqa Ñim Lo'onatac 'Enauacna 2013

¹⁴ Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Tito 3:14 Referans Kwoze

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Mateo 7:19

Qaq 'enauac anam qo'ipaqpi mayi qauem da alaÿaxac, anamayipi qome qaiquesoqot, nachi qaÿasaxangui ca nodec.

2 Pedro 1:8

Cha'ayi da qami' hueto'oto 'enauac ne'enapi, qataq da qanquigaxachiitashiguem, nachi da qanachaalataxaqui sa ishit da saqca ca naigui qataq sa ishit da chochi nalatta da qadauattonaxanaxaqui so qadataxala' Jesucristo.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 15:8

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

2 Ts 3:8

qataq sa ishit da chochi sachiguenaqtac ca aloq ñi 'oonolec da qoñiita da huo'otaq sa seshiitenaq. Chaqdata da so'onataxanaqtac, ñasamaqtañi na na'axa'tesat qataq na pesa'chi, cha'ayi sauoqtaique da sa ishit da huo'o ca nsallaxaueetapegueto qomi' da qoñiita.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Mateo 21:19

Nachi ila'a aso higo mayi neteu'a na laÿi so nqa'aic. Nachi nqo'oota asomayi, qalaxayi sa ishit da ÿanata aca ala, ndoteec ana laue. Nachi so Jesús 'enapega asa'aso higo, 'eeta': –¡Nagui nachi tachiguiña da sa ishit qome da huo'o ca alaÿaxac da qoneta! Huaña, nachi asa'aso higo daqaqa.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

Romanos 15:28

Qaq qom huo'otaq mashi so'ot de'eda, qataq da mashi ime da sanem camayipi acam ntaunaxanaqte, nachi saigue qome da España, nachi qami' saÿalguete qome da qami' ñamaqtegalo.

Romanos 12:13

Qataq qautauañi ca qad'amqajnataxanaxauai da huo'o ca lhuenaxanaxa, qataq ÿataqta qauloÿiguet ca qanamaxasoxoiqui.

Filipenses 4:16

Cha'ayi aÿim co'olla ñaq soota'a yi Tesalónica, qalaq qami' aÿim qanamaqaitega ana qadtaunaxanaqchi, souaxat da iuenaxanaxa.

Tito 2:8

Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.