Tito 2:8 - Nuevo Testamento Toba Sur

⁸ Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.

Nuevo Testamento Toba Sombrero Negro

⁸ nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

La'aqtaqa Ñim Lo'onatac 'Enauacna 2013

⁸ Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.

Tito 2:8 Referans Kwoze

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

1 Pedro 2:15

Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Timoteo 6:3

Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

2 Ts 3:14

Da huo'o ca 'oonolec da qoñiita da sa ishit da ÿalaxalec da qad'aqtac mayi huetalec ana qodede, camayi ÿataqta qauauattoñiita. Nachi sa ishit da qaualliquiiguet, yaqto' camayi maichi n'aloxon.

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.

Lucas 13:17

Qaq co'ollaq 'enapec de'eda so Jesús, nachi 'enauac nam depa'aguenataxaatac ÿataqta huo'o da l'aloxo. Qaq nam shiÿaxauapi qalaxayi 'enauac huo'o da ntonaxac, souaxat nam ÿauaachigui i'otpi so Jesús mayi qaica ca 'en'am da lli'oxoyic.

Marcos 12:34

Nachi so Jesús co'ollaq ila'a somayi da ÿataqta ÿaÿamaqchiguiñi da l'aqtac, nachi 'enapego', 'eeta': –'Am mashi sa qaÿapeque da 'aunoxoneu'a da l'onataxanaxac ñi Dios da ilo'ogue 'enauacna. Huaña, nachi tachiguiña da sa ishit da huo'o ca qaltaq dechimaqtaxan.

Marcos 12:32

Nachi som dapaxaguenataxaatapeguec na nqataxacpi 'enapeco': –'Am mayi 'auapaxaguenataxaatac, ÿataqta ÿaÿamaqchiguiñi da 'ad'aqtac. Ÿoqta 'eesa de'eda qonapec, da 'oonolec ñi Dios, nachaqñita, qaica ca lÿa.

Marcos 12:28

Qaq huo'o so anac nam dapaxaguenataxaatapeguec na nqataxacpi da anaÿa so Jesús, somayi n'axaÿaxaatega co'ollaxa so qalligotaxac. Qaq cha'ayi ÿaÿaten da so Jesús ÿaÿamaqchiguiñi da l'aqtac co'ollaq qainattac, nachi somayi denataxan, 'eeta': –¿Négue't ca ÿoqta ÿacteec da qaÿalaxalec 'enauac nam nqataxacpi?

Marcos 12:17

Nachi so Jesús 'enapeco' somayipi, 'eeta': –Qai'añiim qome ñim lta'a na nta'alpi cam maichi lalamaxat, qataq ñim Dios qai'añiim ca maichi lalamaxat. Nachi somayipi ÿataqta i'aalac da l'aqtac somayi.

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.