Tito 2:12 - Nuevo Testamento Toba Sur

¹² Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Nuevo Testamento Toba Sombrero Negro

¹² Dios qo'mi yapaĝagueneque da'me dojo' nichoĝodenataĝanaĝac qaedi janajoĝodiñe da'me je'etaq ga'me jo'ne Dios daqaeca'alo, nataq'aen ja yitaĝa jeloqotapiye daa'me lamaico jena'me aleua, dite da'me qom cha'li jouaqa'ta jena'me aleua qama'le 'noota qom qo'mi joĝodayaqa, qo'mi chimaqachidiñe nataq'aen jauoqo ga'me jo'ne Dios yepaquetapega.

La'aqtaqa Ñim Lo'onatac 'Enauacna 2013

¹² Qaq de'era lqouagaxanaqtaic Ñim Lo'onatac 'Enauacna qomi' ỹapaxagueneque da 'enauac qolaqa'ai da qauem qarataxac qataq da qarqopitaxanaqtaic. Nache sachoq da achaalataxac da ntel-la't ca shiỹaxaua, qataq no'on da lataxac, qataq nañanot da quetague' Ñim Lo'onatac 'Enauacna.

Tito 2:12 Referans Kwoze

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Romanos 6:19

(Qaq de'eda itaxaÿaxac 'eeta'am ñaq'en da ltaxaÿaxac na shiÿaxauapi, cha'ayi qami' qaica ca qad'añaxaqui, qaq sa ishit da qauaÿajñi de'eda.) Qaq ÿoqo'oyi de'eda 'eetec co'ollaq qami' qai'añiim da qad'oquiaxaqui dam lamaxasoxonaxac nam ishit da deshipaxanaqtaxan qataq nam sa ÿaÿamaxañisat qataq nam qauemsat, da yaqto' i'ot. Qaq nachida nagui da qoñiitec, qai'añiÿot da qad'oquiaxaqui dam lamaxasoxonaxac da qui'itta achaalataxac, da yaqto' ishit da imauec da qanañañiÿot ñi Dios.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

Lucas 1:75

nataq'en da yaqto' qomi' ÿaÿamaxadeete' da ñañanqot ñimayi da qomi' qui'itte' 'enauaque naua na'axa'te da qanachaalataxac.

1 Ts 4:7

Cha'ayi ñi Dios qomi' iÿaxanalo da qui'itta naq'en da qanachaalataxac. Ÿoqo'oyi sa ishit da soqolaxague ca ishipaxanaqchit da qanachaalataxac.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Romanos 6:12

Qaq ÿoqo'oyi qami' sa ishit qome da qauauaqaita'a da 'onataxac da nachi 'eetai' da ÿamaqtac dam qad'oquiaxaqui mayi huo'o ca loga't, da ÿileetalec da i'ot da maichi 'eetapeguec.

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

Hebreos 8:11

Huaña, nachi sa ishit da huo'o ca qaÿapaxaguen, qataq sa ishit da huo'o ca ÿapaxaguen ca lÿa, huo'otaq ca lqaÿa, da yaqto' ÿauatton ñi qadataxala'. Cha'ayi 'enauac namayipi aÿim ÿauatton, ivida'a nam qaica ca l'amaqchic qataq nam 'amaqtaqaicpi namayipi.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

Colosenses 1:22

ÿachigoxotchigui naq'en da l-leuaxa so Cristo co'ollaq huo'o da nque'ejnaxac da l'oquiaxac. Qaq 'eetec de'eda ñimayi, cha'ayi nshitaique da qami' nachaalataxaneu'alo cam hueta'a, qalaq qami' qui'itte' qataq qaica ca 'ico' qadshipaxanaxai qataq ca qadasouaxashichi.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Hechos 24:16

Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Juan 6:25

Nachi somayipi co'ollaq ivittague da le'ego aso lapel, nachi qailalec so Jesús. Nachi qainattac, qoÿiita': –'Am mayi 'auapaxaguenataxaatac, ¿chaq lágui co'ollaxa da 'anvitta ne'ena?

Lucas 1:6

Soomayi ÿataqta no'o'n shiÿaxa'u, ÿaÿamaxadeete' ñi Dios. Nataq'en ÿataqta ÿalaxadeguet 'enauac na lqataxacpi ñi qadataxala'. Qaq ÿoqo'oyi sa ishit da huo'o ca ishit da ÿasaxalguete ca lasouaxashi't soomayi.

Judas 1:18

da i'axattrac de'eda 'eeta': “Caua pa'atreec na'axa'te, qaq huo'o qome na shiÿaxauapi mayi ÿataqta ÿi'inai' da n'amqajnataxanaxac, qataq chochi quetague' nam maichi 'eetapeguecpi mayi qauem.”

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

1 Timoteo 6:9

Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.