Tito 1:9 - Nuevo Testamento Toba Sur

⁹ Qataq ÿataqta n'añaxattec da n'aqtac mayi 'eesa lataxac dam mashi qaÿapaxaguenec, yaqto' nataq'en ishit da i'añaqchit ca lÿa da idolec da no'oita napaxaguenataxanaxac, qataq nloqteneec ca depa'aguenataxaatac.

Nuevo Testamento Toba Sombrero Negro

⁹ 'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

La'aqtaqa Ñim Lo'onatac 'Enauacna 2013

⁹ Qataq ỹataqta na'añaxatec da na'aqtac maye 'eesa lataxac dam mashe qaỹapaxaguenec, yaqto' nataqa'en ishet da ỹa'añaqchet ca lỹa da irolec da no'oita napaxaguenataxanaxac, qataq nloqtenec ca depa'aguenataxaatac.

Tito 1:9 Referans Kwoze

2 Ts 2:15

Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

1 Timoteo 6:3

Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

1 Timoteo 1:10

Na nqataxacpi nmit ca shiÿaxaua da ncachitapegue' ana 'alo, huo'otaq ca maichi lÿa 'eeta'am shiÿaxaua, nataq'en da decachiÿa ca lÿa, nataq'en da tenataxanaxaic, huo'otaq da i'axat ca 'eetega lataxac, qalaxayi chochi shipegaxanaxac. Na nqataxacpi nataq'en ividauga da nmit 'enauac na sa ÿalaxaguet da napaxaguenataxanaxac mayi no'oita.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

Tito 2:1

Qaq 'am 'au'axat qome da 'enapec da no'oita napaxaguenataxanaxac.

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.

2 Timoteo 4:3

Cha'ayi huo'o qome ca na'a'q da na shiÿaxauapi sa ishit da ishiteguet da napaxaguenataxanaxac no'oita. Chaqdata da n'axaÿaxaata'a ca maichi lqopitaxanaqtaic, qataq nmitta'a da ÿotta'a't naq'en na napaxaguenaxala' da qaÿapaxaguenec cam n'axaÿaxaata'ai.

1 Ts 5:21

Qalaxayi qavi'iguiñi 'enauac, qaq cam ÿaÿamaqchiguiñi, nachica ca qauaÿamaxachi.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Apocalipsis 2:25

Qalaxayi qauaÿamaxachiitec qome dam mashi qami' hueto'oto, chochi ivitta'a ca na'a'q qom ñi'iguelaq.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

2 Timoteo 2:2

Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

1 Timoteo 4:9

Qaq de'eda ÿataqta 'eesa, sa ishit da qaÿoqolguet.

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Hechos 18:28

Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

1 Corintios 14:24

Qalaxayi da 'enauac da qau'axachiitac da l'aqtac ñi Dios, qaq da nnoxoneuo ca saxanaxa da da'amqajnataxan, huo'otaq qaica ca ÿaÿajnapec, qaq camayi ishit da maichi nlola't qataq ila'a ca lasouaxashit, cha'ayi hua'aqtega 'enauac da qau'axachiitac.

2 Timoteo 3:14

Qalaxayi 'am qoquetelco' da 'anapaxaguenataguec mayi ÿoqta 'eesa naq'en. 'Am mashi 'auaÿateeta nam 'am ÿapaxaguenec de'eda,