Tito 1:5 - Nuevo Testamento Toba Sur

⁵ Se'eso na'a'q co'ollaq 'am ñi'onaxataña yi 'alhuolec Creta, cha'ayi ñishitaique da 'auaÿamaxajñi na saxana sematpi, qataq da 'edeuo na lataxala'pi na 'amqajnataxanaxaicpi mayi netaña na pueblopi. Qaq 'eda da 'am sepataxalec da 'au'axat:

Nuevo Testamento Toba Sombrero Negro

⁵ Qo'che' am jepota'ña ca'li di'me Creta: qaedi aviyamaĝachiñe ga'me jo'ne maliaĝa ja je'etaq, nataq'aen qaedi yemeda gaa'me noyaqa aviyaĝanalo gaa'me 'yaĝaicachidipi jo'ne niquiyaqa qaedi yelolo'te gaa'me p'etaqadaiquipi; ga'me jo'ne joote am japaĝaguenec nach'eda a'uetec qomle.

La'aqtaqa Ñim Lo'onatac 'Enauacna 2013

⁵ Se'eso na'a'q 'am ño'onaxataña añi ỹaqa'ata 'alhua maye le'enaxat Creta, cha'aye ñeshetaique da 'auaỹamaxaañi nam saxanaxa da sematpi, qataq da 'ereuo na lataxala'pi na 'amqaanataxanaxaicpi maye netañalo naua lỹa't nma'ate. Qaq no'on qome da 'aupagaqchiichigui de'era ỹa'aqtac,

Tito 1:5 Referans Kwoze

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

1 Timoteo 1:3

Ñishitaique da 'am ñaq qonetaña yi la ciudad Éfeso, 'eeta'am so lÿa na'a'q co'ollaq aÿim sata'ague da 'alhua Macedonia, cha'ayi huo'o na dapaxaguenataxaatapeguec na sa lataxac. Ÿoqo'oyi ñishitaique da qonapega namayipi da sa ishit da quetalec da dapaxaguenataxaatapeguec de'eda,

1 Corintios 14:40

Qalaxayi qauaÿamaxachiichiguiñi da lliquiaxac 'enauac namayipi, yaqto' sa ishit da huo'o ca qan'enaguiiqui.

2 Timoteo 2:2

Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

1 Corintios 11:34

Qaq da huo'o ca ÿoqouat, qaq no'on da lqui'aqa' ca maichi lma', yaqto' ñi Dios sa ishit da ÿauo'o ca qanhuaxanaguiiqui, souaxat de'eda qoñiitec da qalapoñiÿa't. Qaq na laÿipi lataxacpi maichi saÿamaxajñi qom ivita da qami' ñoqo'onalo.

Hechos 27:21

Qaq mashi qaÿoqtegue da sa ishit da sequi'aq, nachi so Pablo nachajñigui na laiñi somayipi, nachi 'enapega, 'eeta': –Qami' ÿallippi, 'onaxáictoxo' co'ollaxa da aÿim qaualaqaiguet da sa soqolqa'ai yi Creta, da yaqto' sa ishit da ñique'etaxanaxagui de'eda, qataq da huo'o na daqatpi.

Hechos 27:12

Cha'ayi yi'iyi ñigaxasom ÿataqta qauem da qanayiuta'a yi n'omaxa, nachi somayipi huac da 'eeta'a't da nhuennataxac da qanayica'ai yimayi, nachi qaÿi'iguen da qanqo'ona yi Fenice, ñigaxasom yi Creta, da yaqto' qanayiua'a yimayi da n'omaxa. Cha'ayi yimayi datategue da avit qataq da taguiñi.

Hechos 27:7

Qaq ÿataqta huo'oi soua na'axa'te da soqolaqta, saualgoxosoqtom, qataq ÿataqta huo'o da qancotaxac, chochi sovidaqta'a yi naloteuga yi Cnido. Qaq cha'ayi ñaq huo'o so l'at sataqta'aguet, nachi saqteuga yi naloteuga yi Salmón, nachi chochi ñiconnaqteu'a yi 'alhuolec Creta.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

Colosenses 2:5

Cha'ayi aÿim, nai'ctaxa da sa ishit da yi'oqchigui da qami' salectaiguilo, qalaxayi da iqui'iÿaxac qami' ÿalecta'agueta. Qaq ÿataqta ñitootapeguec da no'on qadataxaqui, qataq da sa ishit da qai'axañiiuec da qadpi'iÿaxaqui so Cristo.

Hechos 2:11

Qataq huo'o nataq'en na chigaqa'ague da Creta, qataq da Arabia. Qalaxayi 'enauac da shinaqta sa'axasoqtega da qai'axattac na qaica ca 'en'am i'otpi ñi Dios, da qai'aqtaxaatapoiguilo naua maichi qad'aqtaqa.

Hechos 27:13

Qanachi lapaxauo so l'at nte, qalaxayi saq chaxaguet. Nachi somayipi ipi'itaxano' da ishit da mashi qaltaq jec. Nachi qaltaq jec, qanayicto'ot na loigue yi Creta.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

Tito 1:12

Huo'o so ÿajnaxanaxaic co'olloxochiyi lma' yi Creta. Somayi co'ollaq i'axat na maichi lauo' l'ecpi, 'eeta' da l'aqtac: “Nam Creta l'ecpi ÿataqta shipecaicpi, qataq yiloxoicpi 'ico' shiguiÿac, qataq saq llalcolec na chic, qataq hualaicpi.”