Tito 1:4 - Nuevo Testamento Toba Sur

⁴ 'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

Nuevo Testamento Toba Sombrero Negro

⁴ Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

La'aqtaqa Ñim Lo'onatac 'Enauacna 2013

⁴ 'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Tito 1:4 Referans Kwoze

2 Timoteo 1:2

'Am ÿauotaxat Timoteo, 'ico' 'am ÿalec, 'am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios nataq'en so qadataxala' Jesucristo.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Pedro 1:11

Qaq yaqto' qami' qoÿanema da qaica ca qami' npaxategueta da qaunoxoñiu'a cam chochaq tateec l'onataxanaxac da ilo'ogue 'enauacna so qadataxala' qataq qadca'alaxaqui Jesucristo.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

2 Corintios 2:13

Qalaxayi da iquiyaqteÿaxac ÿataqta qaica ca lamaxayic souaxat da sa ñauane' so qadqaÿa Tito. Ÿoqo'oyi nachi ñicoyiguene' yimayipi da ñanaÿa na 'alhua Macedonia.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

2 Corintios 8:23

Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

Juan 4:42

Nachi qoÿiitega aso 'alo, qoÿiita': –Nagui sa ishit da chaqdata da 'ad'aqtaxanaxac da sa'amaqtenaq, cha'ayi qomi' nataq'en maichi ñi'axaÿaxanaqtega somayi, qataq saÿajnaqta da somayi ÿoqta 'eesa da nachiso so nta'a som lca'alaxaqui nam shiÿaxauapi mayi huetalec ana 'alhua.

1 Juan 5:14

Qaq ÿataqta sa ishit da ñi'aloxonaqto'ot ñi Dios, cha'ayi qomi' saÿajnaqta da huo'otaq seÿaxanqaique ca ÿaÿamaxadeeta ñimayi, qalaq ishit da qomi' hua'axaÿalo.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

Tito 1:3

Qaq co'ollaq ivita so laloqnec ñim Dios mayi qadca'alaxaqui da qomi' ÿauattonaxanaxanque da l'aqtac, nachi aÿim ipataxalec da sa'axateec de'eda l'aqtac.

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

Efesios 1:2

Ñishitaique da qami' qauacoñiiguet da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

Gálatas 2:3

Qaq so Tito mayi ñinaictague', qalaxayi ñaqaiyita sa ishit da qoÿinapega da i'ot ca n'anaxashit na l'oc, nai'ctaxa da somayi sa ishit da judío l'ec.

2 Corintios 12:18

Co'ollaq seÿaxanot so Tito da yaqto' qami' namaqtegalo, qalaq samaxague so lÿa qadqaÿa. Qaq ¿peta'a qami' ÿatenachi't co'ollaxa so Tito? Qaq ¿peta'a saq 'en da qomi' nachi 'eeta'a't da qadataxac, qataq 'eeta'a't da qadhuennataxac?

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

2 Corintios 4:13

Naua ñiyigui'shi l'aqtaqa ñi Dios 'eeta': “Sa'amqajnataxan, ÿoqo'oyi setaqa.” Qaq ÿoqo'oyi qomi' nachi shinaqtec da qadpi'iÿaxac da qomi' sa'amqajnataxanaq, ÿoqo'oyi setaxasoq.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.