Santiago 1:3 - Nuevo Testamento Toba Sur

³ Cha'ayi mashi qauaÿajñiita qom ivita da qaÿi'iguen da qadpi'iÿaxaqui, nachi huaña, qaq nquic da qanhualaxaunaxaqui.

Nuevo Testamento Toba Sombrero Negro

³ qa'a joote auayachiñe da'me qom 'uo da'me qoyapiyen da'me adepi'iyaĝaqui, qama'le ua'a da'me nichiquetaye da'me anapogaĝadenaĝaqui.

La'aqtaqa Ñim Lo'onatac 'Enauacna 2013

³ Yaqto' de'era qarpi'iỹaxaqui Ñim Lo'onatac 'Enauacna da ime da qaỹe'eguen, nache huaña da qami' qauaỹaañi da qalviñeeguet qataq huo'o da qara'añaxaqui da qauataiỹa'aguet 'enauac nam lqalaiguesat.

Santiago 1:3 Referans Kwoze

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Romanos 8:25

Cha'ayi cam ñaquitaqtaique, da huo'otaq saxanaxa da yi'oq, nachi ishit da ÿataqta huo'o da qadhualaxavic da seuataqta'a.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

2 Ts 3:5

Qaq so qadataxala' qami' itauanque da ÿataqta qauanomiiteguet da lsoxoyic ñi Dios, qataq qami' itauanque da qanhualaxaunaxaqui mayi 'eeta'am da lhualaxavic so Cristo.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Lucas 21:19

Qaq cam sa ishit da huo'o ca ÿoqocha'a, qaq nachica ca nauec cam nca'alaxa mayi chochaq tateec.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.