Santiago 1:21 - Nuevo Testamento Toba Sur

²¹ Qaq ÿoqo'oyi qau'aqaÿa'a 'enauac na ishit da ishipaxanaqchit ca shiÿaxaua qataq 'enauac na sa ÿaÿamaxañisat. Chaqdata da qami' huosotte' da qauacoñiiguet da l'aqtac ñi Dios mayi mashi qoÿaalguete naua qadquiyaqchilli', cha'ayi de'eda n'aqtac ishit da qami' nca'alaxatreec.

Nuevo Testamento Toba Sombrero Negro

²¹ Chane'eja da'me ami, 'noota qom aniyochela't, aĝañidiñi yema gaa'me jo'ne paĝachiguilo, nach'e ena'ama gaa'me etaĝaloĝoco jo'ne ja najataĝayaqa, qama'le da'me ami ooyaĝayaqa, 'noota qom auacoñiyeguet da'me dojo' napaĝaguenataĝanaĝac jo'ne joote qoyaañi, qa'a da'me dojo' napaĝaguenataĝanaĝac nach'eda jo'ne 'uo da'me lañoqotaĝanaĝac qaedi ami e'n nec'alaĝategue.

La'aqtaqa Ñim Lo'onatac 'Enauacna 2013

²¹ Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

Santiago 1:21 Referans Kwoze

Efesios 4:22

Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Efesios 1:13

Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Santiago 4:8

Qanquiquiÿot ñi Dios, qaq ñimayi sa qami' iÿotapigui. Qami' 'itaxaloxoicpi, qai'axañiiuec da qauacoñiigui ca sa ÿaÿamaxañi. Qami' mayi qanshiitaique da qauauochiic ñi Dios qataq na huetalecna, nal'en da qauqui'itaxachiite' qome naua qadquiyaqchilli'.

Tito 2:11

Cha'ayi ñi Dios qomi' ÿachaxanalo da lqouagaxanaqtaic mayi naigui da lca'alaxa na 'enauac shiÿaxauapi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hebreos 4:2

Cha'ayi qomi' nataq'en qomi' qai'axatema da n'aqtac mayi chigaqaigui da nca'alaxa, 'eeta'am da 'eetec somayipi da qai'aqtaxanem co'ollaxa. Qalaxayi somayipi sa ishit da huo'o ca naigui naq'en de'eda n'aqtaxanaxac, cha'ayi chochi n'axaÿaxaatega, sa ishit da i'amaqten.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

1 Corintios 15:2

Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

1 Pedro 1:9

Cha'ayi qami' mashi qauacoñiiguet da lca'alaxa da qanachaalataxaqui, cha'ayi nachida da ÿataqta 'eetapeguec da qadpi'iÿaxaqui.

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Mateo 5:5

Qataq ÿataqta machiguiñi qome nam sa ishit da ñi'oxonnaxaic da lquiyaqteÿaxac, cha'ayi namayipi ÿaconguet qome cam 'alhua mayi ÿachaxanapeguem ñi Dios.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Efesios 5:4

Qataq sa ishit qome da qanasaqaideec naua n'aqtaqa mayi i'ot da n'agaxa, huo'otaq cam i'ot da naÿalguiyic, huo'otaq cam qaica ca naigui. Cha'ayi namayipi sa ishit da qaÿiguet. Chaqdato' da qami' qai'añiitacot da qantonaxaqui ñi Dios.

Efesios 4:25

Qaq ÿoqo'oyi sa ishit nagui da qanasaqaiuec ca natenataxanaxac. Ñi 'oonolec da qoñiita ÿataqta 'eesa ca l'aqtac da detaxaÿapegue' ca lÿa, cha'ayi 'enauac da shinaqta ñi'adaqtau'a da 'oonolec n'oquiaxac.

Santiago 5:20

qaq no'on da qauaÿajñiita da ca ñi'iguelaxateuo ca 'itaxaloxoic da ca'ai naq'en ca sa ÿaÿamaxañi lliquiaxac, camayi nca'alaxateeguesop da l-leuaxa que'eca 'itaxaloxoic, qataq i'otteu'a da saqalota na qaÿapalaxat nasouaxashitpi.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.