Santiago 1:2 - Nuevo Testamento Toba Sur

² Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

Nuevo Testamento Toba Sombrero Negro

² Ami yaqaya'olqa, 'noota qom ami made'tapolqa qom ami yovitalo jogaa'me yodapecache jo'ne napiyenataĝanaĝaco,

La'aqtaqa Ñim Lo'onatac 'Enauacna 2013

² Qami' ỹaqaỹa't maye qaua'amaqchiñiitac So Cristo, qami' iuen da ỹataqta qauamaichiguiñi da ivita da qaviyeeguet na ỹotta'a't lqalaiguesat.

Santiago 1:2 Referans Kwoze

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Santiago 1:16

Qami' ÿaqaÿa't, qami' ñauochaxa'u, sa ishito' qome da qanatenachiitapeguela't.

Santiago 1:19

Ÿoqo'oyi qami' ÿaqaÿa't, qami' ñauochaxa'u, ñi 'oonolec da qoñiita no'on da ÿataqta lhuotta da n'axaÿaxan, qalaxayi iuen da npottelec da ltaxaÿaxac, qataq saqaÿoqchiguinguit da lalemataic.

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.

Filipenses 2:18

Qaq nataq'en qome da qoñiita qantoñiitapigui', qataq qanhuañiÿau'a da ñitonaxac.