Santiago 1:1 - Nuevo Testamento Toba Sur

¹ Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Nuevo Testamento Toba Sombrero Negro

¹ Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

La'aqtaqa Ñim Lo'onatac 'Enauacna 2013

¹ Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Santiago 1:1 Referans Kwoze

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Hechos 8:1

Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Hechos 21:18

Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Gálatas 2:12

Cha'ayi somayi i'auaxaañi da dequi'iÿa'ai' nam sa ishit da judío l'ecpi, chochi ivitta'a co'ollaq nvi't soua shiÿaxa'u mayi lamaxa'shi so Santiago. Huaña, nachi somayi ca'ai namayipi da sa ishit da lqui'axaua, cha'ayi souaxat da ñi'iÿa nam quetaigui da qaÿauo'o na n'anaxashit naq'en ca shiÿaxaua.

Gálatas 1:19

Qalaxayi sa ishit da huo'o ca lÿa da sela'a so laÿipi, chaqsota so Santiago som lalamaxat lqaÿa so qadataxala' Jesús.

Hechos 15:21

Cha'ayi dam chigoqta'ague soua hua'a'u vi'iyi huo'o co'ollaxa na shiÿaxauapi mayi i'axatta'pe naua lqataxaco so Moisés mayi qaitaxaÿaxaata'pe yi na'a'q mataxaqui da huaigui ana laponaxaquipi na judiopi.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

Mateo 13:55

Cha'ayi damayi nachida da llalec som qo'ipaq l'o, l'enaxat José. Qataq aso late'e l'enaxat María. Damayi nachi lqaÿa't soua Santiago, José, Simón qataq so Judas.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Apocalipsis 7:4

Ime, qaq aÿim sa'axaÿa so lcata yi ivi' na n'anguishicpi. 'Eeta': ciento cuarenta y cuatro mil da ima'a't na n'anguishic na llalaqpi so Israel.

Hechos 2:5

Qaq se'eso na'a'q yi Jerusalén hueta'a na judiopi mayi chigoqteguelo 'enauaque naua laÿil ana 'alhua. Namayipi i'ottac da l'amqajnataxanaxac.

Lucas 22:30

yaqto' qami' ñiuanaxa'u, qataq qami' ñiÿomaxa'u cam iqui'axala' qom mashi sootaigui ca i'onataxanaxac, qataq nataq'en qanso'oñiingui acam so'onaxaquipi mayi ÿi'oxodaq, da yaqto' qanmichi nam llalaqpi som doce llalaqpi so Israel.

Mateo 10:3

qataq so Felipe, Bartolomé, Tomás qataq so Mateo som ÿacootapeeguet co'ollaxa ana nshiitenaqte ca nta'a; Santiago som llalec so Alfeo; qataq Alfeo da lÿa l'enaxat Tadeo;

2 Timoteo 4:21

Qaq 'auÿalapigui' qome da 'auanac, llaxatemallaxa saxana nvi' na n'omaxa. 'Am ÿamaxa da lquinaxanaxac ñi Eubulo, Pudente, Lino, qataq añi Claudia, qataq 'enauac na qadqaÿañicpi.

Hechos 23:26

“Aÿim Claudio Lisias, 'am samaxa da iquinaxanaxac, 'am ñauochaxaua ita'a Félix.

Lucas 6:15

Mateo, qataq so Tomás, qataq so Santiago som llalec so Alfeo, qataq so Simón som chigaqaigui na cananistapi,

Marcos 3:18

qataq so Andrés, Felipe, Bartolomé, Mateo, Tomás, Santiago som llalec so Alfeo; Tadeo, Simón mayi chigaqaigui na cananista,