Romanos 4:11 - Nuevo Testamento Toba Sur

¹¹ Qaq co'ollaq ime da so Abraham qaÿauo'o so n'anaxat na l'oc da 'eeta'am da l'anaxanaxat ñi Dios da mashi ÿaÿamaxadeeta somayi, nachi ÿamata'ac da no'on shiÿaxaua souaxat da lpi'iÿaxac. Qaq 'eda da 'eetec so Abraham da huo'o mshi qoÿanagui da lta'a naq'en nam huo'o da lpi'iÿaxac, nai'ctaxa da saxanaxa da qaÿauo'o ca n'anaxat na l'oc. Qalaxayi ñaqaiyita ÿaÿamaxadeeta ñi Dios da 'eeta'am naq'en ca no'on shiÿaxaua.

Nuevo Testamento Toba Sombrero Negro

¹¹ Qama'le ca'li yoĝo'yi da'me yaconeguet ga'me 'nanaĝajet ñe'me Abraham, ena'am ta'le 'nanec uotaĝa ena'am ta'le qo'yamelegue da'me joote Dios yateton da'me yataqatelegue nataq'aen chimaqachiñe qa'a chiyaqayi da'me lepe'e. Nach'eda naq'aeta da'me Abraham chiyoqotelegue da'me male let'a't ena'uaque jogaa'me jo'ne 'uo da'me lepe'e', mate mane'e ja yacoteguet da'me 'nanaĝajet; qama'le naq'aeta da'me Dios nach'e ena'am yatetonegueta da'me yataqatelo'te q'ae'n jogaa'me.

La'aqtaqa Ñim Lo'onatac 'Enauacna 2013

¹¹ Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Romanos 4:11 Referans Kwoze

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Lucas 19:9

Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.

Hebreos 11:7

So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

2 Corintios 1:22

Qataq nachiñi ñi qomi' l'angui'shi qataq ÿanaiguilo naua qadquiyaqte so n'Espíritu Santo, qaq nachiso som ÿoqta 'itchiguiñi naq'en cam qomi' qoÿanma.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

Efesios 1:13

Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

Gálatas 6:16

Qaq 'enauac qome nam quetegue de'eda ñiquiaxac, qataq 'enauac nam lalamaxatpi ñi Dios, namayipi ÿaconguet qome da nlagaxayic qataq da nchoxonnataxanaxa.

Gálatas 5:5

Cha'ayi qomi' sachigoxotaqchigui so Espíritu Santo qataq dam qadpi'iÿaxac da huo'o mshi qomi' huo'o da qanaquitaxac da ishit da qomi' ÿaÿamaxadeete' ñi Dios.

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

Gálatas 3:22

Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Gálatas 3:7

Qaq ÿoqo'oyi qami' ishit da qauaÿajñiita da na ÿataqta 'eesa da llalaqpi so Abraham, nachina na huo'o da lpi'iÿaxac.

Romanos 10:11

Cha'ayi naua ñiyigui'shi l'aqtaqa ñi Dios 'eeta': “Qaica ca 'oonolec nam i'amaqteetac ñimayi da huo'otaq ishit da n'aloxootac.”

Romanos 10:6

Qataq da 'eetec da huo'o ca ishit da ÿaÿamaxadeeta ñi Dios da chigoqchigui da lpi'iÿaxac, qalaq 'eeta': “Sa ishit da detaqtagui da 'adquiyaqteÿaxac da qoneta': ¿Négue't ca ishit da taÿot na piguem, da yaqto' ishit da ñi'iguelaxajñi so Cristo?

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Apocalipsis 9:4

Nachi qaÿamaxalec asomayi da sa ishit da huo'o ca 'en'ac na 'auaqpi mayi huetalec ana 'alhua qataq ana qo'ipaq, huo'otaq camachicague't dadala, chaqnata nam shiÿaxauapi mayi sa ishit da huetalec na latap aca l'anaxanaqte ñi Dios.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Romanos 9:30

Qaq ÿoqo'oyi ¿chaq huá'ague ca 'eetec ca qad'aqtac? Yi nam sa ishit da judiopi qataq sa ishit da nmittaique da ÿaÿamaxadeeta ñi Dios, qalaq nachina nam ÿaÿamaxadeeta ñi Dios, chigoqchigui da lpi'iÿaxac.

Romanos 9:6

Qaq sa ishit da huo'otaq sa ipaguelec nam ÿachaxanapecotpi ñi Dios so Israel, qalaxayi nam llalaqpi so Israel sa ishit da ima'a't da lalamaxatpi ñi Dios.

Romanos 3:26

Qaq de'eda 'eetec ñimayi, nshitaique da ÿachaxan da ishit da i'ot ca ÿaÿamaqchiguiñi. Qaq ñaq queta nagui da ñimayi ishit da i'ot ca ÿaÿamaqchiguiñi, souaxat da ishit da ÿaÿamaxadeeta cam i'amaqten so Jesús.

Juan 8:33

Nachi somayipi 'enapeco': –Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 8:11

Qaq aÿim shinapec da ÿataqta qalota qome na chigaqa'ague da yi'oxoñi qataq da avit da anac da nso'ona'ai' da lqui'axaua so Abraham, Isaac, qataq so Jacob, qom qainoxoneu'a cam l'onataxanaxac ñi Dios mayi neta'ague da piguem.

Romanos 9:33

som i'axat naua ñiyigui'shi l'aqtaqa ñi Dios, mayi 'eeta': Aÿim sanangui qome na laiñi yi Sión cam 'en'am ca coma' mayi ishit da qaiqui'aqaisop, cam coma' mayi ishit da 'ico' nsalviaxala', qaq cam i'amaqten camayi, qaq sa ishit da n'aloxootac.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

Romanos 3:30

Cha'ayi sa ishit da huo'o ca lÿa, ñi Dios ÿataqta 'oonolec. Ñim Dios mayi ishit da ÿaÿamaxadeeta cam huo'o da lpi'iÿaxac, sa ishit da ilogui da huo'otaq qaÿauo'o ca n'anaxat, huo'otaq da sa ishit da qaÿauo'o.

Romanos 4:10

Qalaxayi ¿chaq lágui co'ollaxa da ÿaÿamaxadeeta? ¿Peta'a co'ollaq imat so Abraham da qaÿauo'o so n'anaxat, loqo' chaq co'ollaq saxanaxa da qaÿauo'o? 'A'i, sa ishit da co'ollaq imat da qaÿauo'o so n'anaxat. Mayi co'ollaq saxanaxa da qaÿauo'o.