Romanos 1:9 - Nuevo Testamento Toba Sur

⁹ Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Nuevo Testamento Toba Sombrero Negro

⁹ Ñe'me Dios jo'ne nach'eñe jo'onataĝaneuo'o, qama'le yataqata 'ñañaĝatec da'me japaĝaguenataĝatapec da'me 'laqataĝanaĝac ñe'me C'oĝot, nach'eñe yayaten da'me nach'e eta't ami ñetouetapeque.

La'aqtaqa Ñim Lo'onatac 'Enauacna 2013

⁹ Aỹem so'onataxaatacot Ñim Lo'onatac 'Enauacna. Sa'axattac da no'on na'axaỹaxac maye na'aqtaguec So Llalec. Qaq damaye so'ottac, cha'aye ỹataqta iquiyaqteỹaxac. Ñim Lo'onatac 'Enauacna nataqa'en aỹem ỹaỹaten da, nache 'eetai' da qami' ñeqouagaxaueetaleguete,

Romanos 1:9 Referans Kwoze

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

1 Ts 5:17

Qoquiitot da qanqouagaxauñiitac.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

1 Ts 3:10

Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

1 Ts 1:2

Nachi 'eetai' da sanaqtacot da qan'achiquiaxac ñi Dios, cha'ayi ñitonaqtapeguec 'enauac da qoñiita. Ÿoqo'oyi da ñoqouagaxaunaqtac, nachi qaltaq tachigui qadhuel da qoñiita.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Filipenses 1:4

Qaq da ñoqouagaxaueetac, qalaq ÿataqta huo'o da ñitonaxac, souaxat 'enauac da qoñiita.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

Filipenses 2:22

Qalaxayi qami' mashi qauaÿajñi da 'eetec da no'on lataxac so Timoteo, qataq da 'eetec da ñitauaatapegue' da sa'axataqtac da n'aqtac, qaq somayi 'eeta'am ca ñalec da itauan ca lta'a.

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Hechos 12:5

Qaq ÿoqo'oyi so Pedro netaigui aso ncoñitaxanaxaqui, ÿataqta qanauaatalec. Qalaxayi na 'amqajnataxanaxaicpi ÿataqta huo'o da l'añaxac da queto'ot da nqouagaxaueetacot ñi Dios, da nqouagaxaueetapeguelec somayi.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

Filemón 1:4

Aÿim nachi 'eetai' naxa da saatacot da ñi'achiquiaxac ñi Dios da tachigui yi iuel da qoneta da ñoqouagaxaueetac.

Filipenses 1:3

Aÿim naxa da tachigui yi iuel da qoñiita, nachi qaltaq saatacot da ñi'achiquiaxac ñi Dios.