Romanos 1:7 - Nuevo Testamento Toba Sur

⁷ Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Nuevo Testamento Toba Sombrero Negro

⁷ Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

La'aqtaqa Ñim Lo'onatac 'Enauacna 2013

⁷ Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Romanos 1:7 Referans Kwoze

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

Efesios 1:2

Ñishitaique da qami' qauacoñiiguet da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

1 Ts 1:1

Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

2 Juan 1:3

Qaq ñim qadta'a Dios qataq so qadataxala' Jesucristo som llalec ñimayi qami' ÿanema qome da lqouagaxanaqtaic qataq da lchoxonnataxanaxa qataq da l-lagaxayic. Qaq damayi qauacoñiiguet qami' mayi qauauattoñi da n'aqtac mayi 'eesa qataq da qanchoxonñiÿa't.

Filemón 1:3

Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

2 Ts 3:18

Qaq so qadataxala' Jesucristo qami' ÿanema qome 'enauac da qoñiita ca no'on qoyiquiaxaqui. Aja', nachi 'eetec de'eda.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Apocalipsis 22:21

Qaq som qadataxala' Jesucristo ÿanem qome 'enauac da qoñiita ca qanchoxonnataguiiqui. Aja', nachi 'eetec.

Filemón 1:25

Qaq so qadataxala' Jesucristo qami' ÿanema qome ca no'on qoyiquiaxaqui. Aja', nachi 'eetec de'eda.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

1 Pedro 1:15

Chaqdato' qome da qoviitaigui da achaalataxac mayi ÿataqta qui'itta, cha'ayi ñim Dios mayi qami' iÿaxanalo, ñimayi ÿataqta qui'itta.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

2 Timoteo 4:22

Qaq ñi qadataxala' Jesucristo 'am hueta'aguet qome, qaq ñi Dios qami' ÿanema qome ca no'on qoyiquiaxaqui. Aja', nachi 'eetec de'eda.

2 Timoteo 1:2

'Am ÿauotaxat Timoteo, 'ico' 'am ÿalec, 'am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios nataq'en so qadataxala' Jesucristo.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

1 Ts 5:28

Qaq so qadataxala' Jesucristo qami' ÿanema qome ca no'on qoyiquiaxaqui. Aja', nachi 'eetec de'eda.

1 Ts 4:7

Cha'ayi ñi Dios qomi' iÿaxanalo da qui'itta naq'en da qanachaalataxac. Ÿoqo'oyi sa ishit da soqolaxague ca ishipaxanaqchit da qanachaalataxac.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

Filipenses 4:23

Qaq so qadataxala' Jesucristo qami' ÿanema qome da lqouagaxanaqtaic. Aja', nachi 'eetec.

Filipenses 4:20

¡Qaq ñim qadta'a Dios ÿataqta nachi 'eetai' qome da ñi'oxonnataguec! Aja', nachi 'eetec.

Efesios 6:23

Qaq ñim qadta'a Dios qataq so qadataxala' Jesucristo, ñiimayi ÿanem qome na qadqaÿañicpi da l-lagaxayic qataq da lsoxoyic da ÿauaxaÿaxanguet da lpi'iÿaxac.

Gálatas 6:18

Qami' ÿaqaÿa't, so qadataxala' Jesucristo qami' ÿanema qome da lqouagaxanaqtaic 'enauac da qoñiita. Aja', nachi 'eetec.

1 Corintios 16:23

Qaq so qadataxala' Jesucristo qami' ÿanema qome ca no'on qoyiquiaxaqui.

Romanos 9:25

Qaq ipacchigui da 'enapec naua l'aqtaqa ñi Dios mayi ÿilyiñi so Oseas, co'ollaq 'eeta': Nam sa ishit da ÿalamaxatpi, qalaq seÿaxana da ÿalamaxatpi, qataq nam sa ishit da sauotec, qalaq seÿaxana da ÿauotaxatpi.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Romanos 8:39

huo'otaq nam hueto'ot na piguem qataq nam huetaña na pa'aguiñi, qataq 'enauac na laÿipi l'onatacpi ñi Dios, qaica ca ishit da ÿañoxot da nqanaxat da lauotaxanaqtaic da shinaqta ñi Dios dam ÿachigoxotchigui naq'en so qadataxala' Cristo Jesús.

Romanos 1:6

Qaq namayipi nataq'en qaualliquiitaigui da qami' iÿaxanalo ñi Dios, da yaqto' qami' lalamqa'te naq'en so Jesucristo.

Apocalipsis 2:1

'Auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Éfeso. Qoneta': “'Eeta' da l'aqtac na huetaiguilo na lhuaq ana siete huaqajñi, qataq huetangui na laiñi ana siete ncoÿadaxanaxaquipi mayi chigaqaigui na oro, 'eeta':

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Apocalipsis 3:22

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 3:14

Qataq nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Laodicea. Qoneta': “'Eeta' da l'aqtac nam ÿataqta 'eesa, nam sa ishit da napacalec ca l'aqtac, nam chigoqchigui 'enauac nam i'otpi co'ollaxa ñi Dios. 'Eeta':

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Apocalipsis 2:29

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 2:18

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Tiatira. Qoneta': “'Eeta' da l'aqtac na llalec ñi Dios, nam 'eeta'am na nodec l'edaxa naua l'ai'te, qataq naua lchil 'eeta'ama na nqashilgaqtac lcat l'enaxat bronce, 'eeta':

Apocalipsis 2:12

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Pérgamo. Qoneta': “'Eeta' da l'aqtac na huo'o na lainec mayi ÿataqta ÿaxadaic qataq dos naua ala'pi, 'eeta':

Apocalipsis 2:8

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Esmirna. Qoneta': “'Eeta' da l'aqtac na l'auaxanec co'ollaxa da huo'o, qataq nachina na pa'ateec, nam qaÿalauat co'ollaxa, qaltaq ÿi'iguelaxalec da nca'aleec, 'eeta':

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Romanos 5:5

Qaq de'eda qanaquitaxac i'ot da sa ishit da ñi'aloxonaqtac. Cha'ayi da lsoxoyic ñi Dios sogote da qaicoyinguita naua qadquiyaqte, chigoqchigui naq'en so n'Espíritu Santo mayi qomi' ÿanema.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

Filipenses 1:2

Qami' qauacoñiiguet qome da lqouagaxanaqtaic qataq da l-lagaxayic ñi qadta'a Dios qataq so qadataxala' Jesucristo.

1 Ts 1:4

Qami' qadqaÿa't, ñim Dios ÿataqta qami' ÿauoteque, qataq saÿajnaqta da ñimayi qami' lca'agui'shi.

2 Ts 1:2

Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.