Romanos 1:4 - Nuevo Testamento Toba Sur

⁴ Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Nuevo Testamento Toba Sombrero Negro

⁴ qalaĝaja chiyoqotelegue ca'li 'niyelaĝajeguem male qoyen najaqachigui da'me lañoqotaĝanaĝac nataq'aen qoyanem da'me lec'oĝochiyaĝac ñe'me Dios, nach'eñe ladic ga'me ja 'nalegue.

Romanos 1:4 Referans Kwoze

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

2 Pedro 1:21

Cha'ayi 'enauac som hua'au l'aqtaxanaxanecpi ñimayi sa ishit da huo'o ca 'oonolec da maichi nalligoxottela't ca l'aqtaxanaxac. Chaqdata da somayipi ÿataqta nañanot da quetague' ñi Dios, nachi i'axa't naua l'aqtaqa ñimayi, cha'ayi so Espíritu Santo i'aqtaxanaxan somayipi.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Hechos 2:24

Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.