Romanos 1:26 - Nuevo Testamento Toba Sur

²⁶ Qaq ÿoqo'oyi ñi Dios ÿauaqta'a namayipi da i'ot nam maichi 'eetapeguecpi mayi ÿataqta qai'aguelec. Cha'ayi na 'alpi qalaq ivida'a da ÿalat da maichi lataxac da i'ot cam sa ishit da natenguet da lataxac.

Nuevo Testamento Toba Sombrero Negro

²⁶ Qo'che' ñe'me Dios yemegueta daa'me mach'e lamaico jogaa'me 'me chiyaqayi da'me nepocoĝo. Chayovida'a gaa'me yauodipi yaĝadiñi da'me mach'e 'loyaĝa'j 'me nauoejeyaĝa'j qama'le yacoteguet dojo' nauteta da'me yataqachiñe 'loyaĝa'j qoyen.

La'aqtaqa Ñim Lo'onatac 'Enauacna 2013

²⁶ Qaq ỹoqo'oye Ñim Lo'onatac 'Enauacna hua'aqta'a na shiỹaxauapi da ỹo'ot 'enauac na qauem maye iuennatega. Qaq namayepi huo'o na 'alpi na saishet da quetegue da ỹoqta lataxac ana 'alo da hue'eguet ca ỹale, nachaqrata da hue'eguet aca maiche lỹa 'alo.

Romanos 1:26 Referans Kwoze

Judas 1:7

Nataq'en so shiÿaxauapi lma' yi Sodoma qataq Gomorra qataq som shiÿaxauapi mayi lauodeuapi mayi 'eeta'am se'eso namaxashicpi piguem l'ecpi da nañanguet da lquishiguetaxac, qataq taigui da namanaxanaqtaic mayi sa natenguet da ÿoqta lataxac ca shiÿaxaua, nachi 'enauac somayipi nque'etaxangui so nodec mayi chochaq tateec co'ollaq qaÿauo'o da nhuaxanaguec. Qaq damayi 'eeta'am da nqataxac 'enauac na shiÿaxauapi.

1 Timoteo 1:10

Na nqataxacpi nmit ca shiÿaxaua da ncachitapegue' ana 'alo, huo'otaq ca maichi lÿa 'eeta'am shiÿaxaua, nataq'en da decachiÿa ca lÿa, nataq'en da tenataxanaxaic, huo'otaq da i'axat ca 'eetega lataxac, qalaxayi chochi shipegaxanaxac. Na nqataxacpi nataq'en ividauga da nmit 'enauac na sa ÿalaxaguet da napaxaguenataxanaxac mayi no'oita.

Romanos 1:24

Qaq ÿoqo'oyi ñi Dios nachi ÿaxaneec namayipi da maichi queguelo nam maichi lhuennataxaco mayi ishit da deshipaxanaqtaxa'n. Huaña, nachi namayipi ñi 'oonolec maichi i'otec ca lÿa cam ishit da i'ot da n'aloxo,

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

Efesios 4:19

Qataq namayipi ÿataqta imauec da daqat so lcoxo, nachi nañanguet na lamanaxanaqtaiguesat. Qataq nqopita da i'ot 'enauac na ÿotta'a't lataxaguesat mayi deshipaxanaqtaxan.

Efesios 5:12

Cha'ayi ÿataqta i'ot da n'agaxa da huo'otaq chochi qai'axat na saq cha'a mayi i'ottac namayipi.

1 Ts 4:5

Sa ishit da chochi quetapegueu'a da i'en aca 'alo, i'enaxattapeguem nam shiÿaxauapi mayi saxanaxa da ÿauatton ñi Dios.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.