Romanos 1:16 - Nuevo Testamento Toba Sur

¹⁶ Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Nuevo Testamento Toba Sombrero Negro

¹⁶ Ja jepocoĝolegue da'me dojo' onaĝaic 'naqataĝanaĝac, qa'a nach'eda lañoqotaĝanaĝac ñe'me Dios qaedi ena'uaque gaa'me jo'ne p'iida'a yededalegue da'me qonec'alaĝatedegue, nach'egaua joga'me judiopi jo'ne 'uaediñe, qama'le nach'e ena'ama yema joga'me jiyaĝadipi.

La'aqtaqa Ñim Lo'onatac 'Enauacna 2013

¹⁶ Cha'aye aỹem saishet da she'etac qataq saishet da ñecoqtac da sa'axattac da no'on na'axaỹaxac, cha'aye damaye la'añaxac Ñim Lo'onatac 'Enauacna maye ishet da nca'alaxatec 'enauac nam ỹa'amaqten So Jesús, na'aictaxa da judiopi huo'otaq saishet.

Romanos 1:16 Referans Kwoze

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

1 Corintios 2:4

Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Romanos 10:17

Qaq ÿoqo'oyi da npi'iÿaxac chigoqchigui da 'axaÿaxanaxac, qaq dam qan'axaÿaxaatega, nachida da n'aqtaguec so Cristo.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

1 Corintios 15:2

Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Gálatas 1:7

Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

Romanos 2:9

Qaq ÿataqta huo'o qome da nque'ejnaxac qataq da nqui'ic 'enauac nam i'ottac da qauem. Qaq i'auaxaachiguiñi qome na judiopi, qataq nataq'en nam saq judiopi.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

2 Corintios 9:13

Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

1 Corintios 9:18

Qaq ÿoqo'oyi de'eda ñishiitenaguec nachida da ñitonaxac da sa'axattac ca n'aqtac mayi chigaqaigui da nca'alaxa da sa ishit da aÿim qaishiiteetac. Qaq sa ishit da aÿim shictega da shinec da huo'otaq seque'etapigui da i'aqtaxanaxac.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

Romanos 15:29

Qaq yi'oqta da qom qami' ñoqo'onalo, qalaq aÿim nlaqchigui da nqouagaxanaqtaic mayi chigaqaigui da n'aqtaguec so Cristo.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Romanos 4:11

Qaq co'ollaq ime da so Abraham qaÿauo'o so n'anaxat na l'oc da 'eeta'am da l'anaxanaxat ñi Dios da mashi ÿaÿamaxadeeta somayi, nachi ÿamata'ac da no'on shiÿaxaua souaxat da lpi'iÿaxac. Qaq 'eda da 'eetec so Abraham da huo'o mshi qoÿanagui da lta'a naq'en nam huo'o da lpi'iÿaxac, nai'ctaxa da saxanaxa da qaÿauo'o ca n'anaxat na l'oc. Qalaxayi ñaqaiyita ÿaÿamaxadeeta ñi Dios da 'eeta'am naq'en ca no'on shiÿaxaua.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?