Romanos 1:14 - Nuevo Testamento Toba Sur

¹⁴ Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede.

Nuevo Testamento Toba Sombrero Negro

¹⁴ Janomeguet da'me ena'am ta'le yema netaye da'me ñep'iayaĝac, ga'me 'uo da'me niyamaĝataĝac, uotaĝa ga'me qaya'te niyamaĝataĝac, yatenaĝanaĝayaqa, uotaĝa gaa'me qaya'te yayate'n.

La'aqtaqa Ñim Lo'onatac 'Enauacna 2013

¹⁴ Cha'aye huo'o da ña'aqtac maye saxanaxa da sa'aqtaxanem 'enauac na shiỹaxauapi, na'aictaxa cam ỹaỹaten da naỹamaxataxac, huo'otaq cam saishet da naỹamaxatapec, qataq nam hueto'ot da paxaguenaxac, huo'otaq nam saishet da hueto'ot da paxaguenaxac.

Romanos 1:14 Referans Kwoze

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

2 Corintios 11:19

Cha'ayi qami' ÿataqta qaupi'itaxañiitega da qami' ÿajnaxanaxaiqa, qalaq ¿tá'ainco' yi qanviñiiguet nam huo'o da n'onataxac?

Romanos 16:19

Qaq 'enauac qaÿaÿaten da qami' ÿataqta qaualaqai. Ÿoqo'oyi aÿim ÿataqta samachiguiñi. Qalaxayi ñishitaique da ÿataqta qami' lhuotte' da qau'ochi ca no'on, qaq cam qauem qalaxayi sa ishit.

Romanos 13:8

Sa ishit qome da huo'o ca neto'ot aca qadavigaxaischi, chaqdato' da lauotaxanaqtaic ñi 'oonolec ca lÿa. Cha'ayi ca ÿauotec ca lÿa, nachi camayi ÿataqta ipacchigui dam lamaxasoxonaxac na lqataxacpi ñi Dios.

Romanos 8:12

Qaq ÿoqo'oyi qami' ÿaqaÿa't, qomi' huo'o de'eda qanqataxac, qalaxayi sa ishit da nachida da qadapachiyaxac da qolaxague cam qauem 'eetapeguec.

Romanos 1:22

Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

2 Corintios 10:12

Cha'ayi qomi' sa ishit da sauoqtaique da shinaqta'am, huo'otaq da ñaloqnaxaguet da qanachaalataxac nam shiÿaxauapi mayi maichi ñi'oxodeetapeguela't. Namayipi huo'o da n'oopaxac, souaxat da maichi naloqnaxaatapeguela't, qataq da ñi 'oonolec maichi naloqnaxaatapeeguet da nachaalataxac ca lÿa.

1 Corintios 14:16

Cha'ayi 'am da huo'otaq 'avi'oxodeetac ñi Dios, qaq chaqñita ñi qocapegue' 'adqui'i yi'oxonnataxaatac, qaq da n'axaÿaxaatac que'eca shiÿaxaua mayi saxanaqca ca ÿaÿajnapec, nachi sa ishit da nhuanau'a ca 'anqouagaxaunaxac da 'ai'aatacot da 'an'achiquiaxac ñi Dios, cha'ayi camayi sa ishit da ÿaÿate'n naua 'ad'aqtaqa.

1 Corintios 14:11

Ÿoqo'oyi aÿim da sa ishit da saÿate'n naua l'aqtaqa ca aÿim detaqtacot, qaq camayi 'eeta'am naq'en aÿim ca ÿaqa'a ca chigoxogue, nataq'en camayi 'eeta'am ñaq'en ca ÿaqa'a ca chigoxogue.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

1 Corintios 2:13

Qaq qomi' da sa'axataq de'eda, nachi setaxasoxoiguilo naua n'aqtaqa mayi qomi' ÿapaxaguenque so Espíritu mayi chigoqo'ot ñi Dios, qaq sa ishit da nachinaua naua n'aqtaqa mayi sachigoxotaqaiguilo da maichi qadaÿajnataxanaxac. Qaq 'eda da 'eetec da sa'axata'q naua napoyiñi lataxaco da sa'aqtaxanaxam cam netanguita so Espíritu Santo.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Hechos 28:4

Nachi nam lma' se'eso 'alhua co'ollaq ÿauaachigui se'eso n'adaxanaq da netau'a na lhuaq so Pablo, nachi namayipi 'enapeco': –De'eda shiÿaxaua yi'oqta da laataxanaxaic, ÿoqo'oyi nai'ctaxa da ÿit na 'etaxat, qalaxayi dam nhuaxanaguec mayi saq cha'a sa ishit da nca'alaxattauec damayi.

Hechos 28:2

Qaq nam lma' yimayi ÿataqta qomi' ilo'ogueta. Ÿoqo'oyi qaÿalooñi so nodec lta'adaic, souaxat na latomaxa qataq so auot. Ime, nachi qomi' 'enapegalo da 'enauac ñoqochinaxau'a so nodec, da yaqto' ñitonaq.

Lucas 10:21

Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.