Romanos 1:13 - Nuevo Testamento Toba Sur

¹³ Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

Nuevo Testamento Toba Sombrero Negro

¹³ Ami yaqaya'olqa, jepaquetapega ta'le auayachiñe da'me uaĝa'aegue jetaque ja'uo da'me yeuoĝoc qaedi ami jauanalo, qalaĝaja chayovida'a nayi nach'e eta't jayem nedalegue ga'me jo'ne jayem nauaneguet nale. Da'me yamaic, ena'am ta'le jetaque jatoĝon ga'me jalayaĝac ñe'me Dios Lepaqal 'me ami uetauelo, ena'am da'me joote jatoĝon gaa'me ale'u lael laqaya'.

La'aqtaqa Ñim Lo'onatac 'Enauacna 2013

¹³ Qami' ỹaqaỹa't, sauotaique da qami' qauaỹaañita da aỹem ỹataqta qalota da ñeshetaique da qami' ñeqo'onalo da yaqto' qami' ñauaneto, qami' maye qoviita'a na Roma. Qalaxaye sa qoue naxa na danaqtaxan. Huo'o da lta'araic iyaxa da qami' ñeqo'onalo da yaqto' sa'axat da no'on na'axaỹaxac, 'eeta'am da sheetec naua lỹa't 'aleu' yaqto' nquiguec na ỹa'amaqten So Jesús.

Romanos 1:13 Referans Kwoze

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

1 Ts 4:13

Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

1 Ts 2:18

Ÿoqo'oyi huo'o so na'a'q sauoqtaique da soqolaq. Qaq aÿim mayi saqalota da temaq qami' ñoqo'onalo. Qalaxayi so Satanás ÿataqta qomi' nqanaxa't.

2 Corintios 1:8

Qami' ÿaqaÿa't, sauoqtaique da qauaÿajñiita da ÿataqta saq llalcolec da qanque'ejnaxac co'ollaq souaqta'a yi 'alhua Asia. Damayi ÿataqta lta'adaic, ÿoqo'oyi huac da sa ishit da yaloxoguet. Mashi sovidaqa'a da qaica ca qanaquitaxac da yica'alaqtauec.

1 Corintios 12:1

Qami' ÿaqaÿa't, ñishitaique da qauaÿajñiita da lataxac na lshitaxanaxatpi so Espíritu Santo mayi ÿanem ñi 'oonolec.

1 Corintios 10:1

Cha'ayi qami' ÿaqaÿa't, ñishitaique da qami' qauaÿajñi so hua'au qadta'alpi da 'enauac somayipi hueto'ot so l'oc da nachiso lauegaxala', qataq 'enauac somayipi i'axasoxoolec aso auaxai l'enaxat auaxai togaxadai.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 4:36

Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.

2 Ts 2:7

Cha'ayi dam saq cha'a ñi'itaxaloxo mashi sogote da do'onataxaatac. Qalaxayi chochi iuatta'a da qanqat dam nllitañi.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

1 Corintios 9:2

Qaq da huo'o na sa ishit da i'amaqten da aÿim lamaxashic so Jesús, qalaxayi qami' sa ishit da saq aÿim qau'amaqchiñi. Cha'ayi aÿim qauachigoxochiichigui da qau'amaqchiñi so qadataxala', qaq nachida da yi'oq naq'en da aÿim lamaxashic so Jesús.

Hechos 21:19

Nachi so Pablo nquiitague' 'enauac somayipi. Ime, nachi ÿachigoxottot da i'axattac 'enauac nam i'otpi ñi Dios mayi ÿachigoxotchigui somayi da huaigui naq'en nam sa ishit da judiopi.

Hechos 15:12

Huaña, nachi 'enauac somayipi ÿi'imaqtom. Nachi qan'axaÿaxana so Bernabé qataq so Pablo da i'axattrac na n'anecpi qataq nam sa qaÿauanapega da i'ot ñi Dios, ÿachigoxotchiguilo soomayi da huaigui naq'en nam sa ishit da judiopi.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Juan 12:24

Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 28:14

Nachi huaña, qaq huo'oi soua ñatenaqleguete qadqaÿa't, nachi soomayi qomi' 'eetegalo da souaqa'a 'oonolec la semana. Qaq can ime, nachi qaltaq soqolaq da saxague da Roma.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

Romanos 7:1

Qami' ÿaqaÿa't, qami' mayi qauauattoñi na nqataxacpi, qaq qauaÿajñi da ne'ena nqataxacpi, namayipi nllitañi que'eca shiÿaxaua da huo'otaq ña nca'altauec.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

Gálatas 3:15

Qami' ÿaqaÿañicpi, huo'o da saloqnaxana, damayi chigaqaigui na yi'oqchigui shiÿaxauapi, 'eeta': Ca shiÿaxaua da huo'otaq naÿamaxate' ca lÿa, huo'otaq da i'ot aca l'aqtac lmalate, qaq da ime, nachi nanedelec. Huaña, nachi sa ishit da huo'o ca ishit da nsogoñi, huo'otaq da ishit da nqochinaxateec.

Gálatas 6:18

Qami' ÿaqaÿa't, so qadataxala' Jesucristo qami' ÿanema qome da lqouagaxanaqtaic 'enauac da qoñiita. Aja', nachi 'eetec.

Filipenses 1:22

Qalaxayi da ña ñica'altauec, nachi ishit da so'onataxanot so qadataxala'. Ÿoqo'oyi aÿim sa saÿaten cam ÿoqta llica'ateu'a naamayi.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.