Romanos 1:12 - Nuevo Testamento Toba Sur

¹² Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

Nuevo Testamento Toba Sombrero Negro

¹² eetojo' da'me 'yaqatac, qaedi onolqa'tape 'yañaqatetapec ga'me laqaya da'me qadepe'e 'me qo'mi uetauelo.

La'aqtaqa Ñim Lo'onatac 'Enauacna 2013

¹² Qaq yaqto' ñi 'oonolec da shenaqta ishet da itauan ca lỹa chegoqchigui da la'añaxac da lpi'iỹaxac Ñim Lo'onatac 'Enauacna.

Romanos 1:12 Referans Kwoze

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

2 Corintios 7:13

Qaq ÿoqo'oyi qomi' ÿataqta huo'o da qan'añaqchitaguec. Qalaxayi sa ishit da chaqdata de'eda qan'añaqchitaguec mayi saconaxaguet. Cha'ayi can ñauanaxai' so Tito, nachi ÿapacteec da qantonaxac, souaxat somayi da ÿataqta machiguiñi, qataq souaxat qami' da ÿataqta qautauañi somayi, da yaqto' sa ishit da huo'o ca tatapigui yi lauel.

Romanos 15:32

yaqto' qom huo'otaq aÿim ÿashiiteec ñi qadta'a Dios, nachi ndoteec qome da ñitonaxac qom qami' ñauaneto, qataq yaqto' ishit da ñimateec qom qami' ñamaqtegalo.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Juan 1:4

Ÿataqta lta'adaic da ñitonaxac da aÿim huo'o na selalec na 'ai'alaqpi da quetague' da n'aqtac mayi 'eesa, da 'eeta'am co'ollaq qomi' ÿanema de'eda lamaxasoxonaxac ñi qadta'a Dios.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

Efesios 4:5

Qataq 'oonolec so qadataxala', qataq 'oonolec da qadpi'iÿaxac qataq da qanachilaxanataguec,

Romanos 15:24

Qalaxayi aÿim seuatta'a qom huo'otaq ishit da saigue da España, nachi qami' saÿalguete da qami' ñamaqtegalo. Qaq qom mashi nmeta da qami' ñauaneto, nachi huo'o da ñaquitaxac da ishit da aÿim qautauañi, da yaqto' sevida'ague damayi.

Romanos 1:11

Cha'ayi ñishitaique da qami' ñauaneto, qataq da qami' setauanque cam chigoqo'ot so Espíritu Santo, yaqto' ÿataqta qami' 'añaxaiqa.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.