Romanos 1:11 - Nuevo Testamento Toba Sur

¹¹ Cha'ayi ñishitaique da qami' ñauaneto, qataq da qami' setauanque cam chigoqo'ot so Espíritu Santo, yaqto' ÿataqta qami' 'añaxaiqa.

Nuevo Testamento Toba Sombrero Negro

¹¹ Qa'a jalcote yamaic ta'le ami jauanalo, nataq'aen ami yecochaĝanaĝaneque ga'me chiyaqayi ñe'me Dios Lepaqal, qaedi nach'e eta't ami t'añidañe;

La'aqtaqa Ñim Lo'onatac 'Enauacna 2013

¹¹ Ỹataqta huo'o da iyaxa da qami' ñauaneto yaqto' qami' setauaneque cam chegoqo'ot So Saqcha'a Na'añaxac Qui'itta. Yaqto' da qarpi'iỹaxaqui Ñim Lo'onatac 'Enauacna nache 'eetai'.

Romanos 1:11 Referans Kwoze

2 Pedro 1:12

Qaq ÿoqo'oyi aÿim shicto'ot da qami' seuennataxanaxaatapegueque de'eda, nai'ctaxa da qami' mashi qauaÿajñi damayi, qataq ÿataqta sa ishit da qoquiÿa'ai de'eda 'eesa lataxac mayi qami' hueto'oto nagui.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

2 Ts 3:3

Qalaxayi so qadataxala' mayi sa ÿatenachit ca l'aqtac qami' itauanque da qami' 'añaxaiqa, qataq qami' ntelaqna'agueta na sa ÿaÿamaxañisat.

Romanos 15:29

Qaq yi'oqta da qom qami' ñoqo'onalo, qalaq aÿim nlaqchigui da nqouagaxanaqtaic mayi chigaqaigui da n'aqtaguec so Cristo.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

2 Ts 2:17

ñiimayi i'añaqchi't qome naua qadquiyaqchilli', qataq qami' itauanque da qami' 'añaxaiqa da qau'axachi qataq qau'ochi 'enauac na ÿaÿamaqchiguiñisat.

Hechos 19:6

Nachi so Pablo co'ollaq ÿashiltalec somayipi, nachi so Espíritu Santo anac da tanguit somayipi. Huaña, nachi detaxaiguilo naua n'aqtaqa mayi sa qaÿauanapegalo, qataq i'axatta'pe naua l'aqtaqa ñi Dios.

Hechos 16:5

Huaña, nachi na 'amqajnataxanaxaicpi ÿataqta huo'o da l'añaxac da lpi'iÿaxac, nachi naua na'axa'tesa'chi ÿataqta nquictauec yi lcata na da'amqajnataxan.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

2 Corintios 9:14

Qataq camayipi nachi ishit da qami' nqouagaxaueetapeguelguete, cha'ayi ÿataqta qalota da lauochi da qoñiita, souaxat da lqouagaxanaqtaic ñi Dios mayi qami' ÿanema.

2 Corintios 1:21

Qataq nachiñi ñim Dios ñim qomi' ÿanema qataq da qoñiita da saq saxanaxauec so Cristo, qataq nachiñi ñi qomi' ÿanaguilo da l'onataxanaxanqa.

Romanos 15:32

yaqto' qom huo'otaq aÿim ÿashiiteec ñi qadta'a Dios, nachi ndoteec qome da ñitonaxac qom qami' ñauaneto, qataq yaqto' ishit da ñimateec qom qami' ñamaqtegalo.

Romanos 15:23

Qalaxayi nagui mashi semat nam so'ottacpi ne'enaua 'ale'u, qataq da mashi qaÿoqteguelo naua vi'iyi da sauotaique da qami' soota'agueta.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.