Mateo 8:6 - Nuevo Testamento Toba Sur

⁶ 'eeta': –'Am ÿataxala', yi ÿamaxashic huetaña yi ima', huetalec yi lmala', yimayi sa da'añiigue, ÿataqta lta'adaic da nque'ejnaxac souaxat da nqui'ic.

Nuevo Testamento Toba Sombrero Negro

⁶ qama'le enaac: —Jaliaĝanec, di'me yalemaĝajet ue'ta ga'me 'yachaqa' yeleuac, ja t'añegue.

La'aqtaqa Ñim Lo'onatac 'Enauacna 2013

⁶ 'eeta': –'Am Ỹataxala', ye ỹamaxashec huetaña ye ima' huetalec ye lmala', yemaye saishet da ñesheguem, ỹataqta lta'araic da nque'eenaxac souaxat da nqui'ic.

Mateo 8:6 Referans Kwoze

Colosenses 4:1

Qaq qami' 'aco'pi, ÿataqta qau'ochi qome ca ÿaÿamaqchiguiñi, qataq ÿataqta qaupagaqchiñiichigui da nshiitenaguec ca qadlataqui. Qami' qauennachiÿa'a da nataq'en huo'o ñi qan'aco'oi mayi neta'ague da piguem.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Hechos 9:33

Qaq huaña yimayi, nachi ilalec so shiÿaxaua l'enaxat Eneas. Somayi ivi' naua ocho vi'iyi da dalola, sa da'añiigue. Qaq ÿoqo'oyi huetalec ca lacanec.

Filemón 1:16

Qaq nagui namayi sa ishit da 'ico' 'adlatac. Cha'ayi namayi saq 'en'am ca chochi nlatac, cha'ayi namayi 'eeta'am ca 'anauochaxaua 'adqaÿa. Namayi ÿataqta sauotec, qalaxayi ÿataqta ÿacteec 'anqa'en qome da 'adauochi. Sa ishit da chaqdata da 'auauotec, cha'ayi qoneta'am shiÿaxaua, cha'ayi namayi 'eeta'am ca 'adqaÿa 'ad'amqajnataxanaxaua so qadataxala'.

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

Hechos 10:7

Qaq co'ollaq jec so namaxashic piguem l'ec mayi da'aqtaxaatac, nachi so Cornelio iÿaxaneugalo soua dos soua lamaxa'shi qataq so 'oonolec huataxanaq l'ec mayi nataq'en quetague' ñi Dios qataq ÿataqta lpe'et.

Hechos 8:7

Cha'ayi qalota na shiÿaxauapi na huo'o na l'ec leguemaxaic na qanataden, qaq nam n'ecpi mayi inoxoneec, namayipi i'alaqtagui. Qataq nataq'en qalota na qanataden nam sa da'añiigue qataq nam huaÿodaxaicpi.

Mateo 9:2

Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Mateo 8:7

Nachi so Jesús 'enapeco': –Aÿim ñoqo'ona da ñataden.