Mateo 8:21 - Nuevo Testamento Toba Sur

²¹ Qataq anac so 'oonolec nam lapaxaguenatacpi, nachi 'enapega, 'eeta': –'Am ÿataxala', ñaq aÿim 'au'axaÿa'a qome da ña sa'auaxaañi da selayiñi yi ita'a.

Nuevo Testamento Toba Sombrero Negro

²¹ Qama'le 'uo ga'me laqaya jo'ne chiyaqauelo gaa'me lapaĝaguenataqa, enaac: —Jaliaĝanec, cha'li 'uaeñe jayem auaje'tem ta'le jijeñi di'me taĝadena'.

La'aqtaqa Ñim Lo'onatac 'Enauacna 2013

²¹ Qataq anac so 'oonolec nam lapaxaguenatacpi, nache 'enapega 'eeta': –'Am Ỹataxala', ñaq Aỹem 'aua'axaỹa'a da ña sa'auaxaañi da selayiñi ye ita'a; ime nache 'am seca'ategue.

Mateo 8:21 Referans Kwoze

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Mateo 8:22

Nachi so Jesús 'enapeco': –Aÿim 'auca'ategue, 'au'axaÿa'a nam 'ico' leuaxaicpi da ña ilayiñi nam lqatacpi.