Mateo 8:17 - Nuevo Testamento Toba Sur

¹⁷ Qaq 'eetec de'eda, yaqto' ÿataqta ipacchigui dam i'axat co'ollaxa so l'aqtaxanaxanec ñi Dios l'enaxat Isaías, co'ollaq 'eeta': “Camayi nachishiguem 'enauac na qanqui'iguesat, qataq ÿachi 'enauac na qadalolaxapi.”

Nuevo Testamento Toba Sombrero Negro

¹⁷ Yema di'yoq da'me dojo' qaedi yepaquichigui ga'me jo'ne joote yediñe ca'li ñe'me Dios 'laqataĝanaĝanec Isaías, eet'oi: “Ñe'me yaconegueta jogaa'me qadachoĝolaĝaco nataq'aen nepela't gaa'me qadapite'nayaĝaco.”

La'aqtaqa Ñim Lo'onatac 'Enauacna 2013

¹⁷ Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Mateo 8:17 Referans Kwoze

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Mateo 1:22

Qaq 'enauac de'eda huaigui asomayi yi'oq, cha'ayi yaqto' ipacchigui dam 'enapec co'ollaxa ñi qadataxala' mayi i'axat so l'aqtaxanaxanec 'eeta':

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Mateo 2:15

Nachi huetra'a yimayi, chochi ivitta'a co'ollaq ileu so Herodes. Qaq 'eetec de'eda, yaqto' ÿataqta ipacchigui da l'aqtac ñi qadataxala' mayi i'axat so l'aqtaxanaxanec, 'eeta': Seÿaxana so ÿalec, chigoqchiguiña yi Egipto.

Marcos 1:32

Qaq co'ollaq mashi inoxooñi aso nala', mashi napaltapiguiñi, nachi qandou'a so Jesús 'enauac na sa no'onpi qataq nam huo'o na l'ec leguemaxaic.

Lucas 4:40

Qaq co'ollaq mashi inoxooñi aso nala', nachi 'enauac na shiÿaxauapi nam huo'o na dalolaxaic huetaña na lma', nam huec na ÿotta'a't nalolaxacpi, nachi qandou'a so Jesús. Nachi so Jesús ÿashil-lec ñi 'oonolec somayipi, nachi no'oita naq'en.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.