Mateo 7:5 - Nuevo Testamento Toba Sur

⁵ Qaq ¡'am mayi qonetega da 'am 'eesa! 'Au'auaxaañi qome da 'anqat yi qo'ipaq lta'adaic mayi huetangui ana 'ad'aite, yaqto' ÿataqta 'anauaachiguiñi. Nachi ishit da 'anqat ca 'auaqpi lsochi mayi huetangui ana l'aite ca 'adqaÿa.

Nuevo Testamento Toba Sombrero Negro

⁵ ¡Ja am 'te eja! Cha'li 'uaeñe anaqat jaga'me epaq jo'ne netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

La'aqtaqa Ñim Lo'onatac 'Enauacna 2013

⁵ ¡'Am tenataxanaxaic! 'Aua'auaxaañi da 'anqat ye maiche 'artagoxoshet 'epaq laỹe maye huetaigui añi 'ara'aite, yaqto' ỹoqta 'anauaachiguiñi da 'anqat ca ltagoxoshet 'auaqpi lte ca 'arqaỹa.

Mateo 7:5 Referans Kwoze

Lucas 6:42

Qaq da huo'otaq sa ishit da 'auanoma ca qo'ipaq lta'adaic mayi huetangui ana 'ad'aite, qaq ¿tá'ainco' yi sa 'auadenalec da qonapega ca 'adqaÿa da qoneta': “'Am ÿaqaÿa, ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?” ¡'Am mayi qonetega da 'am 'eesa! 'Au'auaxaañi da 'anqat yi qo'ipaq lta'adaic mayi huetangui ana 'ad'aite, yaqto' ishit da ÿataqta 'anauaachiguiñi da 'anqat acam 'auaqpi lsochi mayi huetangui ana l'aite ca 'adqaÿa.

Lucas 13:15

Nachi so qadataxala' ÿasat, 'eeta': –Qami' mayi qoñiÿapec qami' 'eesoda, ¿peta'a sa ishito' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashina, ca na'a'q mataxaqui da yaqto' ÿauegaxasom da nÿomaxan?

Lucas 4:23

Nachi so Jesús 'enapeco': –Qami' yi'oqta qome da aÿim qaudoilec da' chi n'aqtacnaxa 'eeta': “'Am natannataxanaq, maichi 'anatadeela't.” Qataq yi'oqta qome da qoñiita': “Nam sa'axasoqtapeguelec da 'au'otpi co'ollaq huaña yi Capernaum, nataq'en 'au'ot nagui da huaña na 'adalamaxat 'an'alhua.”

Mateo 22:18

Qalaxayi so Jesús ÿataqta ÿauattooteguet dam qauem lhuennataxac somayipi. Nachi 'enapega, 'eeta': –Qami' mayi qoñiitega da qami' 'eesoda, ¿tá'ainco' yi aÿim qavi'iguiñiitac?

Lucas 12:56

Qaq ¡qami' mayi qoñiÿapec da qami' 'eesoda! Qami' qauaÿajñi da qau'axachi na l'anaxatpi na piguem qataq ana 'alhua, qalaq ¿tá'ainco' yi sa ishit da qau'axachi da lataxac naua souaqtaiguilo na'axa'te nagui?

Hechos 19:15

Qalaxayi co'ollaq i'o't de'eda, nachi som n'ec leguemaxaic ÿasat, 'eeta': –Aÿim sauatton so Jesús, nataq'en sauattoota so Pablo; qalaq qami', ¿négue't da qoñiita?

Mateo 7:3

Qataq ¿tá'ainco' yi ishit da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana maichi 'ad'aite?

Mateo 7:4

Qaq da huo'otaq huetangui ana 'ad'aite ca qo'ipaq lta'adaic, qalaq ¿tá'ainco' da ishito' da qonapega ca 'adqaÿa da qoneta': “Ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?”

Mateo 7:6

Sa ishit qome da qai'añiim na pioxotpi cam nogoxoshit mayi sa qaishitapec. Ten, namayipi qom qami' ÿataxalguete, nachi ishit da qami' icolaxatta'pe. Qataq sa ishit qome da qauasaqÿot aca cos late'e aca qan'otaqchi perlas. Ten, qom ishit da petapigui.