Mateo 7:28 - Nuevo Testamento Toba Sur

²⁸ Qaq so Jesús co'ollaq imat da l'aqtaxanaxac, nachi so shiÿaxauapi ÿataqta huo'o da l'aalaxa, souaxat naua lapaxaguenataxanaxaco.

Nuevo Testamento Toba Sombrero Negro

²⁸ Ca'li yem da'me 'laqataĝanaĝac ñe'me Jesús, ga'me jiyaĝadipi yataqachiñe yoqochetem da'me eeta joca'li da'me lapaĝaguenataĝanaĝac,

La'aqtaqa Ñim Lo'onatac 'Enauacna 2013

²⁸ Qaq So Jesús co'ollaq imat da la'aqtaxanaxac, nache 'enauac so shiỹaxauapi maye na'axaỹaxaatega ỹataqta huo'o da la'aalaxa da lapaxaguenataxanaxac Somaye,

Mateo 7:28 Referans Kwoze

Lucas 4:32

Nachi ÿataqta huo'o da n'aalaxa da 'eetec da lapaxaguenataxanaxac somayi, cha'ayi da detaqa, qalaq ÿataqta huo'o naq 'enec naua l'aqtaqa.

Marcos 1:22

Nachi na shiÿaxauapi ÿataqta i'aalac na l'aqtacpi, cha'ayi somayi naua lapaxaguenataxanaxaco 'eeta'am cam damaxasoxonapec, qaq sa ishit da 'eeta'am nam dapaxaguenataxaatapeguec na nqataxacpi.

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!

Marcos 6:2

Qaq co'ollaq iviteuga so na'a'q mataxaqui, nachi somayi dapaxaguenataxaatapoigui aso laponaxaqui na judiopi. Qaq ÿataqta qalota na shiÿaxauapi n'axaÿaxaatega, nachi ÿataqta huo'o da l'aalaxa. Nachi somayipi 'enapeco': –¿Chaq huá'ago' ca ÿachigoxota'ague 'enauac na laÿajnec dam da' shiÿaxaua? qataq ¿chaq négue't dam da' naÿajnec mayi qoÿami', qataq nam sa qaÿauanapigui mayi i'ottacpi?

Lucas 4:22

Nachi 'enauac qaÿi'oxodeetac so Jesús qataq ÿataqta qai'aalatapeguec souaxat naua l'aqtaqa ÿataqta 'onaxaiqa. Nachi nnattega't somayipi, 'eeta': –De'eda, ¿peta'a sa nachido' da llalec so José?

Juan 7:15

Nachi na judiopi ÿataqta huo'o da l'aalaxa somayi, nachi 'eeta': –¿Chaq huá'ago' ca 'eetec damayi, yi ÿataqta qalota na ÿaÿaten, qamaq sa ishit co'ollaxa da napaxaguen?

Mateo 22:33

Qaq co'ollaq hua'aqchigui de'eda na shiÿaxauapi, nachi ÿataqta huo'o da l'aalaxa naua lapaxaguenataxanaxaco somayi.

Lucas 19:48

Qalaxayi sa ishit da qaÿanata ca qoÿiitec, cha'ayi 'enauac nam shiÿaxauapi ÿataqta ÿi'imaqtom da n'axaÿaxaatega somayi.

Marcos 11:18

Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.

Mateo 26:1

Qaq so Jesús co'ollaq imat da i'axattac 'enauac de'eda, nachi 'enapegalo soua lapaxaguenataqa, 'eeta':

Mateo 11:1

Qaq so Jesús co'ollaq imat da ÿanema soua doce lapaxaguenataqa da lqataxac, nachi ca'ai yi hueta'a, da yaqto' dapaxaguenataxaalguete qataq da'aqtaxaalguete naua lÿa't 'ale'u yi'iyi qanayiuta'a 'alhua.

Mateo 19:1

Qaq co'ollaq imat da i'axattac de'eda so Jesús, nachi ca'ai yi Galilea da nqo'ona yim 'alhua mayi huaigui yi Judea, yim pa'aigue da yi'oxoñi so tala Jordán.

Mateo 7:27

Qaq da ivita da anac na auot, qataq da i'auat so tala, qataq da anac na l'at lta'adaic, nachi ishit da ÿalolaxajñi. ¡Nachi ÿataqta nlachiguiñi!

Mateo 7:29

Cha'ayi somayi da dapaxaguenataxaatac, qalaq qaila'a da hueto'ot da l'añaxac ñi Dios. Qaq sa ishit da 'eeta'am nam dapaxaguenataxaatapeguec nam lqataxacpi so Moisés.

Lucas 2:47

Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.

Lucas 7:1

Nachi so Jesús co'ollaq imat da da'aqtaxaatapeguem so shiÿaxauapi, nachi jec, taÿa yi Capernaum.