Mateo 7:21 - Nuevo Testamento Toba Sur

²¹ Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Nuevo Testamento Toba Sombrero Negro

²¹ “Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

La'aqtaqa Ñim Lo'onatac 'Enauacna 2013

²¹ Saishet da 'enauac nam iỹaxaatega da Aỹem Lataxala' da huenoxoneua'a da lo'onataxanaxac Ñim Lo'onatac 'Enauacna. Damaye saishet da nachaqrata, iuen da ỹalaxaguet na lamaxasoxonaxacpi Ñim Ita'a maye neta'ague da piguem.

Mateo 7:21 Referans Kwoze

Romanos 2:13

Cha'ayi sa ishit da ÿaÿamaxadeeta ñi Dios ca ndoxotteec da n'axaÿaxaatega na nqataxacpi, chaqcata cam ÿataqta ÿalaq.

Lucas 6:46

Qami' naxa da aÿim qauÿaxañiÿa, qalaq qoñiita', “'Am mayi 'am qadataxala',” qalaq ¿tá'ainco' yi sa ishit da qau'ochi cam shinapec?

Santiago 1:22

Qalaxayi qau'ochi cam qami' ÿapaxaguenque da n'aqtac. Sa ishit da chochi qan'axaÿaxañiitega. Cha'ayi da nachi qoñiita'ac de'eda, qaq 'en'am da chochi qanatenachiitapeguela't.

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

Hebreos 4:6

Qalaxayi saxanaxa da huo'otaq huo'o ca ishit da inoxoneu'a de'eda mataxac. Qaq nam hua'auchiguiñipi co'ollaxa da qai'aqtaxanem da n'aqtac mayi chigaqaigui da nca'alaxa, qalaq namayipi sa ishit da inoxoneuo, souaxat da sa ÿalaq.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Apocalipsis 3:5

Qaq cam dauegaxan qome, nachi qoÿanaxanaxaanguilo caua anogo lapagaxaiqa. Nachi sa ishit da sapalaxat ca l'enaxat da qoÿittau'a aca nanedaxalate na nca'aleec. Qataq sa'axateu'a ñi ita'a qataq na lamaxashic piguem l'ecpi.

1 Pedro 4:2

da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Marcos 3:35

Cha'ayi ca i'ot ca 'eetapeguec ñi Dios, qaq nachica ca 'eeta'am ca ÿaqaÿa, qataq aca ÿate'e.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

1 Pedro 2:15

Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Lucas 13:25

Cha'ayi que'eca lma' ca noÿic, da ime da ñishiguem, nachi ÿapogui ca lasom ca lma', nachi qami' mayi qaupa'aitauec nachi qauÿaxañiitapegueu'a que'eca lasom. Qaq qoñiita': “'Am qadataxala', qomi' 'anauategueta.” Qalaxayi camayi ÿasat, 'eeta': “Aque', sa saÿaten ca qauachigoqoita'ague qami'.”

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Lucas 18:25

Ÿataqta huo'o da lqalaic aca shiguiÿac l'enaxat camello da taigui qanqoÿin ca qana lauac, qalaxayi ÿapacteec da lqalaic ca sallaxanec da inoxoneu'a da l'onataxanaxac ñi Dios da ilo'ogue 'enauacna.

Marcos 9:47

Qataq ana 'ad'aite da huo'otaq 'am ÿaueca'aguet ca 'adasouaxashit, qaq no'on da 'anqat. Cha'ayi ÿaÿamaqchiguiñi da 'oonole ana 'ad'aite da 'aunoxoneu'a da l'onataxanaxac ñi Dios da ilo'ogue 'enauacna, qalaxayi saq 'en'am da nalota't naua 'ad'ai'te da 'am qaÿasaxaña ca nhuaxanqa' na 'itaxaloxoicpi,

Mateo 19:24

Qaq aÿim shi'iguelaxalec da qami' sa'aqtaxanema, da ÿataqta huo'o da lqalaic aca shiguiÿac l'enaxat camello da taigui qanqoÿin ca lauac ana qana. Qalaxayi ÿapacteec da lqalaic ca sallaxanec da inoxoneu'a da l'onataxanaxac ñi Dios da ilo'ogue 'enauacna.

Mateo 18:35

Nachi so Jesús 'enapeco': –Qaq 'eda qome da 'eetec naq'en da qoñiita ñi ita'a mayi neta'ague da piguem, da huo'otaq ñi 'oonolec sa ishit da ÿoqta lquiyaqteÿaxac da ichoxoden ca lqaÿa.

Juan 15:23

cha'ayi ca aÿim nquiÿa, camayi nataq'en nquiÿa ñi ita'a.

Mateo 26:42

Nachi qaltaq ÿi'iguelaxalec da nqouagaxauen, 'eeta': –'Am ita'a, qom huo'otaq ishit da sepaca'aguet da ñique'etaxangui de'eda ñi'iguenataguec, qalaxayi no'on qome da 'au'ot ca maichi qonetapeguec.

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Apocalipsis 2:27

da yaqto' 'eeta'am da 'eetec ñi ita'a da aÿim ÿanem da samaxasoxonapec. Nachi camayi ilo'ogue na ÿotta'a't shiÿaxauapi, huota'a ca npon lcat. Qaq ilaxachigui namayipi, 'eeta'am naq'en aca naco'oña 'alhua da ilaxachigui.

Juan 14:7

Qaq da qami' aÿim qauauattoñi, nachi nataq'en qauauattoñi ñi ita'a. Qaq nagui mashi sogote da qauauattoñi, cha'ayi mashi qauloito'ot ñimayi.

Juan 5:17

Qalaxayi so Jesús 'enapega somayipi, 'eeta': –Ñi ita'a nachi 'eetai' naxa da do'onataxaatac, qaq ÿoqo'oyi aÿim nataq'en so'onataxan.

Mateo 26:39

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Mateo 18:19

Nataq'en qami' shinapegalo da huo'otaq huo'oi caua dos da qoñiita nagui da ñaq huetra'a ana 'alhua da huo'otaq ÿataqta qan'aqtaxaachigui ca qaiÿaxanaique da natame'n, nachi ñi ita'a mayi neta'ague da piguem, ñimayi ÿan cam qaiÿaxanaique.

Mateo 25:10

Qalaxayi se'esoua cinco qa'añole mayi qaica ca ÿaÿajna'pe, co'ollaq je'c da deshijnaxaadaique ca lcoÿadaxanaxa't, nachi mashi nvideuo so adonaq. Nachi som qa'añi mayi lhuotte', nachi lÿatreuo somayi da pa'adeu'a ca nadonaxac. Ime, nachi qaÿapogui so lasom.