Mateo 6:28 - Nuevo Testamento Toba Sur

²⁸ Qaq ¿tá'ainco' qone' yi qami' ÿaquicoqchi't cam qodogoxochi? Qaq ña qaumijñiÿo' anam huoue mayi huetalec na n'onaxa da anamayi sa ishit da do'onataxan qataq sa ishit da daqalejnaxan.

Nuevo Testamento Toba Sombrero Negro

²⁸ “Qama'le, ¿toqoch'e aueñi diyachitapiyelo naa'me adai'lidi' qa'a jouaĝat ga'me adeuodi'? Auec'achiñe' gaa'me lolelaĝail jo'ne nolelidijeguem nale. Ja t'onataĝa'n uotaĝa ta'le dacalitenaĝa'n.

La'aqtaqa Ñim Lo'onatac 'Enauacna 2013

²⁸ Ña qauloỹa ana huoue maye huo'o ana lauoxo maye huetalec na no'onaxa. Anamayepi saishet da do'onataxan qataq saishet da ỹo'ot ca logoxot.

Mateo 6:28 Referans Kwoze

Mateo 6:25

Qaq ÿoqo'oyi nagui qami' shinapegalo da sa ishit qome da qami' ÿaquicoqchitta'pe cam qolliqui qataq cam qanÿomiigui mayi qaviñiitac, qataq cam qodogoxochi. Cha'ayi da achaalataxac sa ishit da 'eeta'am cam qanallic, qataq da n'oquiaxac sa ishit da 'eeta'am cam nogoxot.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Lucas 12:27

Qami' ña qaumijñi da 'eetec da lañaxataxac ana huoue mayi huo'o ana lauoxo. Anamayi sa ishit da do'onataxan, qataq sa ishit da daqalejnaxan. Qalaq aÿim shinapec da so Salomón ÿataqta qaica ca 'en'am da n'otaxac, qalaq sa ishit da ivi' da loyac da n'otaxac aca 'oonole anamayi.

Mateo 6:31

Qaq ÿoqo'oyi sa ishit qome da qami' ÿaquicoqchi't da qoñiita': “¿Chaq negue'to' ca sachiguenaq, huo'otaq cam ñiÿomaxagui? qataq ¿chaq negue'to' cam ñapoxoña?”

Lucas 3:11

Nachi so Juan 'enapeco': –Qomyi ca dos caua l-lomaxaqui', qalaq ÿanem ca 'oonolec cam qaica ca l-lomaxaqui, qataq cam huo'o ca aloq, qalaq ÿachit cam qaica ca aloq.

Mateo 10:10

qataq ca laÿi' ca qonoqoi na nqa'aic. Qataq 'oonolec ca qauachii qal-lomaxaquii, qataq caua qadapela'chilli' qataq ca qadashilaxala'ai. Cha'ayi ca 'onataxanaxaic ÿataqta 'itchiguiñi da ÿaconguet ca aloq.

Mateo 6:27

Cha'ayi ¿négue't ca 'oonolec da qoñiita da huo'otaq ÿapacteec da lhuogoqchic, nachi ishit da nquigaxatshiguem da lalogaxa?

Lucas 10:41

Qalaxayi so Jesús, 'enapeco': –Marta, Marta, ÿataqta 'admela't, qataq 'am ÿaquicoqchit nam qalota 'addaxacpi.

Lucas 12:11

Qaq qom ivita da qami' qaÿauegueu'alo anam laponaxaquipi na judiopi huo'otaq nam nta'alpi qataq nam nataxala'pi, qalaq sa ishit qome da tatapigui qadvilli cam qadasataxaqui qataq cam qoñiÿapec.

Lucas 12:22

Qaq co'ollaq ime, nachi so Jesús 'enapega som lapaxaguenatacpi, 'eeta': –Nagui qami' shinapegalo: Sa ishit qome da qami' ÿaquicoqchi't cam qonoqoi qataq cam qanapoiña.

1 Pedro 5:7

Qataq 'enauac na qauennachiitapega ÿataqta qaumachiÿo'ot ñi Dios, cha'ayi ñimayi ÿataqta qami' ÿoqocha'alo.