Mateo 6:2 - Nuevo Testamento Toba Sur

² Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.

Nuevo Testamento Toba Sombrero Negro

² “Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

La'aqtaqa Ñim Lo'onatac 'Enauacna 2013

² Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Mateo 6:2 Referans Kwoze

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Juan 5:41

Aÿim sa ishit da saconguet da lli'oxonnataxanaxac na shiÿaxauapi da shiita.

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Lucas 20:46

–Maxatchoxo' qome, qadvichiÿa'a nam dapaxaguenataxaatapeguec na nqataxacpi. Cha'ayi namayipi nqopita da ÿaatrañi naua logodaiqa anogo mayi ÿi'oxoda'q, qataq nqopita da qaiyaata da qaiquin da huaña ca naponqa', qataq namayipi nmitta'ai anam so'onaxaqui mayi ÿataqta ÿi'oxodaq anam naponaxaquipi qataq nam ÿataqta no'on nqui'aqa'pi.

Juan 7:18

Ca shiÿaxaua da huo'otaq maichi nalligoxottela't ca ltaxaÿaxac, camayi 'eetec de'eda, cha'ayi nshitaique da na shiÿaxauapi ÿi'oxoden. Qalaxayi cam ÿataqta npogoxoueetague' da yaqto' qaÿi'oxoden cam namaq, camayi nachica ca ÿoqta 'eesa ca l'aqtaxanaxac, qaq sa ishit da chochi datenataxaatac.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

Gálatas 2:10

Qaq chaqdata da qomi' iÿaxanoto da seuennaqta'a da setauanaq na choxodaqpi. Qaq damayi nachi 'eetai' quenaxa da ñiuogoqtapeguelec da so'ot.

Hechos 10:4

Nachi somayi ÿamato'ot se'eso namaxashic piguem l'ec, qalaxayi ÿataqta ñi'i. Nachi inattac, 'eeta': –¿Négue't ca, 'am ÿataxala'? Nachi som namaxashic piguem l'ec 'enapego' somayi, 'eeta': –Ñi Dios ÿataqta ÿaÿamaxadeeta da 'anqouagaxaunaxac qataq dam 'adtaunaxanaxac da 'autauaatac nam huo'o da lhuenaxanaxa.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Hechos 24:17

Qaq can mashi qaÿoqteguelo soua vi'iyi da secoleetac, nachi aÿim ñi'iguelaxa yi ima' da ñidoi' aso i'agaxanaqte qataq da sanot aca ÿachitaqtaxanaqte ñi Dios.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Juan 13:29

Cha'ayi so Judas, somayi nachiso so ilotague' aso laÿi' ana plata, qaq ÿoqo'oyi huo'o na ipi'itaxaatega da qoÿiitega somayi da huo'o ca queu'a nallic souaxat se'eso naponaxac, huo'otaq da huo'o aca ÿami' nam choxodaqpi.

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Lucas 6:42

Qaq da huo'otaq sa ishit da 'auanoma ca qo'ipaq lta'adaic mayi huetangui ana 'ad'aite, qaq ¿tá'ainco' yi sa 'auadenalec da qonapega ca 'adqaÿa da qoneta': “'Am ÿaqaÿa, ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?” ¡'Am mayi qonetega da 'am 'eesa! 'Au'auaxaañi da 'anqat yi qo'ipaq lta'adaic mayi huetangui ana 'ad'aite, yaqto' ishit da ÿataqta 'anauaachiguiñi da 'anqat acam 'auaqpi lsochi mayi huetangui ana l'aite ca 'adqaÿa.

Marcos 12:39

Qataq namayipi nmitta'a na so'onqa' mayi ÿataqta ÿi'oxodaq anam laponaxaquipi na judiopi, qataq nataq'en nam nqui'aqa'.

Filemón 1:7

Qaq ÿoqo'oyi aÿim ÿataqta samachiguiñi qataq huo'o da i'añaxac souaxat da 'adauotaxanaqtaic, cha'ayi 'am ÿaqaÿa, ÿataqta 'am chigoqchigui da huo'o da l'añaxac da lquiyaqteÿaxac 'enauac na qadqaÿañicpi.

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Lucas 13:15

Nachi so qadataxala' ÿasat, 'eeta': –Qami' mayi qoñiÿapec qami' 'eesoda, ¿peta'a sa ishito' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashina, ca na'a'q mataxaqui da yaqto' ÿauegaxasom da nÿomaxan?

Lucas 12:56

Qaq ¡qami' mayi qoñiÿapec da qami' 'eesoda! Qami' qauaÿajñi da qau'axachi na l'anaxatpi na piguem qataq ana 'alhua, qalaq ¿tá'ainco' yi sa ishit da qau'axachi da lataxac naua souaqtaiguilo na'axa'te nagui?

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Lucas 11:43

¡Ÿataqta choxodaxasodo' qami' mayi qaualliquiitaigui na fariseopi! Cha'ayi qami' qadqopitaxachi da qanso'oñiingui ana nso'onaxaqui nam ÿataqta ÿi'oxodaq añi laponaxaqui na judiopi, qataq da ÿataqta qami' qaÿi'oxode'n da qami' qaiqui'n da huangui na nqa'aic.

Lucas 11:41

Qaq ÿoqo'oyi qami' da qauachitaqtaxañi, qalaq qai'añi cam huetangui ca qadqui'axaquii, qaq yaqto' 'enauac da qui'itta camayi.

Lucas 6:24

Qalaxayi choxodaxasodo' qami' mayi qami' sallaxanecpi nagui, cha'ayi mashi huo'o da qadamaiqui.

Marcos 7:6

Nachi so Jesús 'enapeco': –Ÿataqta qami' tachiguilo naua l'aqtaqa so l'aqtaxanaxanec ñi Dios, l'enaxat Isaías, co'ollaq qami' i'axata'alo, qami' mayi qoñiitega da qami' llalqa ñi Dios, co'ollaq somayi ÿiyiñi da 'eeta': Ne'ena shiÿaxauapi da aÿim ÿi'oxoden, qalaq ndoteec na alap, qalaxayi da lquiyaqteÿaxac ÿataqta qaÿoqta naq'en aÿim.

Mateo 24:51

Nachi ÿataqta qaica ca 'en'am naq'en ca nhuaxanaguec, 'eeta'am, naq'en da nhuaxanaguec nam 'eetegapi da 'eesa. Huaña, nachi noÿiitac, qataq ÿataqta inaga't na lhue da nqui'ic.

Mateo 23:6

Qataq nqopita nam so'onqa' mayi ÿataqta ÿi'oxodaq da huo'o na nqui'axac, qataq nam so'onqa' mayi huo'o da lli'oxoyic nam laponaxaquipi na judiopi.

Mateo 22:18

Qalaxayi so Jesús ÿataqta ÿauattooteguet dam qauem lhuennataxac somayipi. Nachi 'enapega, 'eeta': –Qami' mayi qoñiitega da qami' 'eesoda, ¿tá'ainco' yi aÿim qavi'iguiñiitac?

Mateo 16:3

Qaq da ña nte'etom, qalaq qoñiita': “Ÿoqta da qauem na na'a'q, cha'ayi ÿataqta toc da nala' lliguishiguem qataq napalgui.” ¡Qami' mayi qoñiitega da qami' llalqa ñi Dios! Ÿataqta qauaÿajñi da qau'axachi da lataxac na piguem. Qalaxayi qami' sa ishit da qauaÿajñi da qau'axachi cam naigui naua l'anqa'te naua souaqtaiguilo na'axa'te.

Mateo 15:7

¡Qami' mayi qoñiitega da qami' llalqa ñi Dios! Ÿataqta qami' tachiguilo dam ÿiyiñi co'ollaxa so l'aqtaxanaxanec ñi Dios l'enaxat Isaías, mayi 'eeta':

Mateo 7:5

Qaq ¡'am mayi qonetega da 'am 'eesa! 'Au'auaxaañi qome da 'anqat yi qo'ipaq lta'adaic mayi huetangui ana 'ad'aite, yaqto' ÿataqta 'anauaachiguiñi. Nachi ishit da 'anqat ca 'auaqpi lsochi mayi huetangui ana l'aite ca 'adqaÿa.

Mateo 5:18

Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Mateo 6:3

Qalaxayi 'am da ivita da huo'o ca 'ai'ami' cam huo'o da lhuenaxanaxa, qalaq sa ishit da ivida'a da 'auaÿajnaxanaxanec cam 'adÿa mayi 'anauochaxaua.

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

1 Corintios 13:3

Qataq aÿim da huo'otaq san 'enauac na aÿim hueto'ot, qataq sovitta'a da san da i'oquiaxac da qaÿavigaxat, qalaxayi da qaica ca isoxoyic, nachi ñaqaiyita qaica ca sachigoxotaigui damayi.