Mateo 6:1 - Nuevo Testamento Toba Sur

¹ Sa ishit qome da qanachaxañiita da huo'otaq qau'ochi da qad'amqajnataxanaxaqui, da yaqto' qami' ÿauaachiguilo na shiÿaxauapi. Cha'ayi da nachi qoñiitec de'eda, nachi ñi qadta'ai mayi neta'ague da piguem, ñimayi sa ishit da ÿauo'o ca qanshiitenaguiiqui.

Nuevo Testamento Toba Sombrero Negro

¹ “Ena'te ch'e aualoĝoñiyalo gaa'me at'onataqadi' jo'ne 'noote' ga'me jiyaĝadipi, qom nach'edata da'me jetaque ami qoyauanalo. Qom naq'aeta da'me auauoyi, ñe'me Adet'ai jo'ne na'ague di'me piyem ja ami 'te yanema ga'me anejetenaguequi.

La'aqtaqa Ñim Lo'onatac 'Enauacna 2013

¹ Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Mateo 6:1 Referans Kwoze

Mateo 23:5

Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Juan 12:43

qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

Gálatas 6:12

Nam shiÿaxauapi mayi qami' ÿileeta'pe da yaqto' qami' ishit da qaÿauo'o ca qan'anaxachi, namayipi 'eetec de'eda, cha'ayi chochi nshitaique da qaica ca da naq'en na shiÿaxauapi, da yaqto' sa ishit da qaicanapec souaxat so Cristo co'ollaq qaiuaxanguet so npe'enaxaqui.

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

2 Juan 1:8

Qaq maxatchaxa qome da qoñiita, yaqto' sa ishit da daqat cam naigui da qad'onataxanaxaqui. Chaqdata da qauacoñiiguet cam ÿataqta nalochiguiñi qanshiitenaguiiqui.

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Mateo 6:16

Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

Lucas 12:15

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Mateo 5:48

Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Lucas 11:35

Qaq maxatchoxo' qome naua 'adcoÿadaxanaqte, ten qom 'ico' qouetaigui ca napalaxa.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 5:46

Cha'ayi qami' da ndoteec cam qami' ÿauoteque, qaq nachica qauauochiic, nachi ¿huá'ago' ca 'eetec da huo'o ca qanshiitenaguiiqui? Cha'ayi nataq'en i'ot de'eda nam ÿacootapeeguet ana nshiitenaqte ca nta'a.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Mateo 6:9

Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

Hebreos 11:26

Qataq 'eeta'am da ÿataqta sallaxanec naq'en da huo'otaq sa ishit da qaiyacnapec souaxat da huasoilec so Cristo, qaq sa ishit da 'eeta'am naq'en 'enauac na yi'oqchigui nsallaxa yi Egipto. Cha'ayi somayi ÿataqta ilota'a que'eca lshiitenaxanaxac ñi Dios mayi ÿami' qominchiyi somayi.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Hechos 3:12

Nachi so Pedro co'ollaq ila'a de'eda nqochoxo, nachi 'enapego' so shiÿaxauapi, 'eeta': –Qami' Israel l'ecpi, ¿chaq tá'ainco' yi ÿapacteec da qadqochoqoi? ¿Tá'ainco' da qomi' qauloito'oto, chaqno' da huo'otaq nachiqomi' da maichi ñatadenaq de'eda shiÿaxaua, huo'otaq da maichi qad'añaxac huo'otaq ca qad'amqajnataxanaxac ñi Dios ca sedoxolec damayi da yaqto' iqueuoÿapigui'?