Mateo 5:8 - Nuevo Testamento Toba Sur

⁸ Qataq ÿataqta machiguiñi qome nam qui'itta da lquiyaqteÿaxac, cha'ayi namayipi nauane' qome ñi Dios.

Nuevo Testamento Toba Sombrero Negro

⁸ “Nataq'aen made'tapolqa qomle jogaa'me jo'ne yoqovichiguilo naa'me lai'li, qa'a nach'egaua gaa'me jo'ne yauata qomle ñe'me Dios.

La'aqtaqa Ñim Lo'onatac 'Enauacna 2013

⁸ Ñim Lo'onatac 'Enauacna ỹaalec da nqouagaxa nam qui'itta da lquiyaqteỹaxac, cha'aye namayepi nauane' qome Ñim Lo'onatac 'Enauacna.

Mateo 5:8 Referans Kwoze

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

Santiago 4:8

Qanquiquiÿot ñi Dios, qaq ñimayi sa qami' iÿotapigui. Qami' 'itaxaloxoicpi, qai'axañiiuec da qauacoñiigui ca sa ÿaÿamaxañi. Qami' mayi qanshiitaique da qauauochiic ñi Dios qataq na huetalecna, nal'en da qauqui'itaxachiite' qome naua qadquiyaqchilli'.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

Hechos 15:9

Ñi Dios sa ishit da qomi' lca'ataguilo, da yaqto' iÿotauga namayipi. Cha'ayi ñimayi iÿoi' nataq'en naua lquiyaqte namayipi, chigoqchigui naq'en da lpi'iÿaxac.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

1 Corintios 13:12

Qaq nachi 'en'am nagui qomi' da seloqtaigui na lataxaguesat, 'eeta'am da seloqtalec aca tannaxai da 'omalec. Qalaxayi qom ivita ca na'a'q, nachi huaña, qaq selaqa'a 'enauac namayipi ÿataqta ÿaateec. Nagui da ÿauattonaxanaxac saxanaxa da nalochiguiñi. Qalaxayi qom ivita ca na'a'q, nachi huaña, qaq nalogoñi da ÿauattonaxanaxac, 'eeta'am da 'eetec da ñi Dios aÿim ÿauattoota.

Apocalipsis 22:4

Huaña, nachi qanma'ai' da qanauane' ñimayi. Nachi na lata'pi namayipi, nachi nanettalguete ca l'enaxat.