Mateo 5:39 - Nuevo Testamento Toba Sur

³⁹ Qalaxayi aÿim qami' shinapegalo da sa ishit da qau'enaxachiÿa'aguet cam huo'o ca qami' i'oteque. Chaqdata da huo'otaq huo'o ca iuaxangui ana 'adamelque, qalaq 'ai'anem ana lÿa.

Nuevo Testamento Toba Sombrero Negro

³⁹ Qalaĝaja ami ja'aĝatema da'me dojo': gamachaqaega 'uo ga'me ja no'en am 'yetec, ena'te a'viyelaĝateguet, dite da'me qom 'uo ga'me ye'uaĝan na'me adanoc 'me auayaten, nach'e ena'am auaje'tem ta'le ye'uaĝan na'me laqaya.

La'aqtaqa Ñim Lo'onatac 'Enauacna 2013

³⁹ Qalaxaye nagui Aỹem shenapec: Saishet da qaue'enaxachiỹa'aguet cam huo'o ca qami' ỹo'oteque. Nachaqrata da huo'otaq huo'o ca iuaxangui ana 'oiguishe 'aramelque, nache qonapega da iuaxangui ana lỹa 'aramelque.

Mateo 5:39 Referans Kwoze

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

1 Pedro 3:9

Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

1 Corintios 6:7

Ÿoqta 'eesa da huo'otaq huo'oi naua cotaxaco qami' huanguilo, nachi yi'oq naq'en da huo'o da qadasouaxashichi. ¿Sa ÿaÿamaxaño' da qan'añaxachiiguet cam qami' qai'oteque sa ÿaÿamaxañi? ¿Sa ÿaÿamaxaño' da qauauaqaita'a da qami' qaicachiÿoto?

Santiago 5:6

Qami' qauasaqailec ca lasouaxashit ca shiÿaxaua mayi saqca ca ÿasouaxat, qataq qaualauachi. Qalaxayi namayipi sa ishit da nañilengueta qami'.

Hebreos 12:4

Cha'ayi da qoñiita saxanaxa da huo'o ca ivita da qaÿalauat, souaxat da datata'aguet da ñi'itaxaloxo.

Lucas 22:64

Qaÿapoguilo naua l'ai'te somayi, qataq qanhuaxanec na lashic, nachi qoÿiitega, qoÿiita': –¡Ña 'au'axat chaq negue't na 'am iuaxaatac!

Mateo 5:40

Qataq da huo'o ca nshitaique da 'am ncotaÿapegue', nachi ÿacona ca 'adlomaxaqui, nachi 'auaqta'a da ÿachi nataq'en ca 'adpo'.

Lucas 6:7

Nachi nam dapaxaguenataxaatapeguec na nqataxacpi qataq na fariseopi chochi qanauaatac so Jesús da ishit da datannataxan se'eso na'a'q mataxaqui, da yaqto' ishit da huo'o ca qaÿachigoxotchigui da lasouaxashit qanqoÿin.

Juan 18:23

Nachi so Jesús 'enapeco': –Da huo'otaq sa ÿaÿamaxañi ca i'aqtac, qaq no'on da 'au'axat chaq hua'ague ca 'eetec ca sa ÿaÿamaxañi. Qalaxayi da huo'otaq ÿaÿamaqchiguiñi dam shinapec, qaq ¿tá'ainco' da aÿim 'auaxan?